मुंबई- सुशांत सिंग प्रकरणाशी संबंधित तीन महत्त्वाचे व्हिडिओ समोर आले आहेत. हे व्हिडिओ खटल्याच्या चौकशीत महत्त्वपूर्ण ठरू शकतात. यातील एक व्हिडिओ कूपर इस्पितळातील आहे. व्हिडिओमध्ये सुशांतची लिव्ह इन पार्टनर हॉस्पिटलमधून बाहेर पडताना दिसत आहे. कूपर इस्पितळातील व्हिडिओ आला समोर प्रकरणात दररोज नवनवीन गोष्टी समोर येत आहेत. टाइम्स नाऊच्या वृत्तानुसार कूपर इस्पितळातील व्हिडिओ फुटेज समोर आले आहेत. त्यात रिया चक्रवर्ती कुपर इस्पितळात ४५ मिनिटं असल्याचं दिसत आहे. रियाचं सुशांतशी कायदेशीर कोणतही नातं नव्हतं. तरीही तिला आत जाण्याची परवानगी कशी मिळाली यावर प्रश्न उपस्थित केले जात आहेत. आणखी एका व्हिडिओमध्ये सिनेनिर्माता संदीप सिंह सुशांतच्या घरी दिसत आहे. यावेळी दोन रुग्णवाहिका येतात. तर तिसर्‍या व्हिडिओमध्ये संदीप सिंह मृतदेह अंत्यसंस्कारासाठी नेताना मुंबई पोलिसांना थम्स-अप करताना दिसत आहे. स्वामींचा दावा, केसचा आहे दुबईशी संबंध संदीप सिंहने पूर्वी सांगितले होते की तो कूपर इस्पितळात सुशांतचे ओळखपत्र घेऊन उभा होता. मात्र भाजप नेते सुब्रमण्यम स्वामी यांनी दावा केला आहे की हे एका मारेकऱ्याचं काम आहे. या केसचा संबंध थेट दुबईशी जोडला गेला आहे. सीबीआयच्या टीमने गाठली मुंबई दरम्यान, सुशांत प्रकरणाची चौकशी करण्यासाठी सीबीआयची १५ सदस्यांची एक टीम मुंबईत पोहोचली आहे. सध्या त्यांचा मुक्काम संरक्षण मंत्रालयाच्या गेस्ट हाऊसमध्ये करण्यात आला आहे. हे गेस्ट हाउस मानतळाजवळ आहे. मुंबई पोलीस आणि महाराष्ट्र सरकारचा गोंधळ टाळण्यासाठी असे केल्याचे सांगण्यात येत आहे.
from Marathi Bollywood News, Marathi Cinema News https://ift.tt/2EikQsh
