मुंबई- सुशांतसिंह राजपूतच्या निधनानंतर पुन्हा एकदा बॉलिवूडमध्ये घराणेशाही तसेच स्टार किड्स आणि बाहेरचे असा वाद सुरू झाला. लोक फक्त सेलिब्रिटींचाच निषेध करत नाहीत तर सोशल मीडियावर त्यांना मोठ्याप्रमाणात ट्रोलही करत आहेत. आता चित्रपट निर्माता रोहित शेट्टीही लोकांच्या निशाण्यावर आला आहे. रोहितचा एक जुना व्हिडिओ सोशल मीडियावर व्हायरल होत आहे. यात त्याने सैफ अली खानची मुलगी सारा अली खानने त्याच्याकडे सिनेमात काम कसं मागितलं ते सांगितलं. इथे पाहा व्हिडिओ- साराला पाहून भावूक झालेला रोहित व्हिडिओमध्ये रोहित सांगतो की, जेव्हा अमृता सिंग आणि सैफ अली खानची मुलगी त्याच्याकडे आली तेव्हा सुरुवातीला तो भावुक झाला. कारण साराने त्याच्याकडे हात जोडून काम मागितले होते. तिला असं करताना पाहून रोहितने त्याच्या सिनेमामध्ये तिला कास्ट केलं होतं. तसेच या सर्व गोष्टी सारा स्टार झाल्यावर सांगत असल्याचं तो म्हणाला. सुशांतसोबत बॉलिवूड डेब्यू दरम्यान, अभिषेक कपूरच्या केदारनाथ सिनेमातून साराने बॉलिवूडमध्ये डेब्यू केलं होतं. यात सुशांतसिंह राजपूतसोबत तिने काम केलं. या सिनेमातून साराच्या अभिनयाचं प्रेक्षक आणि समीक्षकांकडून कौतुक करण्यात आलं होतं. यानंतर तिने रोहित शेट्टीच्या '' सिनेमात काम केलं. यात सारासोबत रणवीर सिंहची महत्त्वपूर्ण भूमिका होती. या सिनेमांमध्ये दिसणार सारा घराणेशाहीच्या पार्श्वभूमीवर लोक करण जोहर, सलमान खान आणि सोनम कपूरसारख्या सेलिब्रिटींचा सोशल मीडियावर निषेध करत आहेत. सारा अली खानच्या आगामी सिनेमाबद्दल बोलायचे झाले तर ती लवकरच वरुण धवनसोबत 'कुली नंबर १' सिनेमात दिसणार आहे. याशिवाय अक्षय कुमार आणि धनुषसोबत ती ‘अतरंगी रे’ मध्येही झळकणार आहे.
from Marathi Bollywood News, Marathi Cinema News https://ift.tt/31iu2WR
