मुंबई- शनिवारी देशभरात गणेशोत्सवाला मोठ्या उत्साहात सुरुवात झाली. सर्वसामान्यांपासून ते सेलिब्रिटींपर्यंत अनेकांनी आपल्या घरात गणेश मूर्तीची स्थापना केली. बॉलिवूडचा दबंग खान सलमान खानच्या घरीही सालाबादप्रमाणे यंदाही गणपतीच्या मूर्तीची स्थापना करण्यात आली. सलमानसह इतर खान कुटुंबियांनीही गणपतीची भक्ती भावाने पूजा केली. सध्या याचेच फोटो आणि व्हिडिओ सोशल मीडियावर व्हायरल होत आहेत. यंदा सोहेल खानच्या घरी गणपतीची स्थापना करण्यात आली होती. सलमानसह त्याची बहीण अर्पिताही गणपती दर्शनाला गेली होती. आणि युलिया वंतूर सोहेलच्या घरी जात असताना कॅमेऱ्यात कैद झाले. दरम्यान, सलमानचा मेहुणा अतुल अग्निहोत्रीने सोशल मीडियावर एक व्हिडिओ शेअर केला आहे. यात घरातील सर्व सदस्य आरती करताना दिसत आहेत. सलमान शिवाय त्याचे वडील सलीम खान, आई सलमा, हेलन यांनीही देवाची आरती केली. तसेच अरबाज खान, त्याची प्रेयसी जॉर्जिया हेही आरती करताना दिसत आहेत. सोहेन खानची पत्नी सीमा खानने गणपतीच्या मूर्तीचा एक फोटो इन्स्टाग्रामवर पोस्ट केला. अर्पिताचा पती आयुषनेही इन्स्टाग्रामवर दोन्ही मुलांचा गणेशोत्सवाचा आनंद घेतानाचा फोटो शेअर केला. त्याची दोन्ही मुलं गणपतीच्या मूर्तीसमोर बसली आहेत. आरतीच्या वेळी आयुषने मुलाला आपल्या मांडीवर घेतले आहे. सलमान खानच्या आगामी प्रोजेक्टबद्दल बोलायचे झाले तर लवकरच तो बिग बॉसचं पुन्हा एकदा अँकरिंग करताना दिसणार आहे. अलीकडेच त्याने या रिअलिटी शोच्या प्रोमोसाठी शूटही केलं. फार्म हाउसवरच त्याने शोच्या टीझरचं शूटिंग पूर्ण केलं. याशिवाय सलमान खानचे राधे आणि कभी ईद कभी दिवाळी हे सिनेमेही प्रदर्शनाच्या मार्गावर आहेत.
from Marathi Bollywood News, Marathi Cinema News https://ift.tt/3aOrBhH
