मुंबई: सुशांतसिंह राजपूत याच्या आत्महत्येचा तपास सुरू असताना त्याची एक्स मॅनेजर दिशा सॅलियान हिच्या मृत्यू प्रकणातील अनेक गोष्टींची धक्कादायक माहिती आता समोर येत आहे. दिशाच्या मृत्यूनंतरही अनेक दिवस तिचा फोन कोण तरी वापरत होतं, अशी माहिती आता समोर आली आहे ८ जून रोजी दिशाचा मृत्यू झाला होता. मालाड इथल्या एका इमारतीच्या खाली दिशा मृतअवस्थेत आढळली होती.त्यामुळं तिनं इमारतीवरून उडी मारत आत्महत्या केली असं म्हटलं गेलं. परंतु सुशांतच्या आत्महत्येनंतर दिशाच्या मृत्यूबाबातही शंका उपस्थित करण्यात आली. तिची हत्या झाल्याचंही म्हटलं जात आहे. ८ जून रोजी मृत्यू झाल्यानंतरही दिशाचा फोन १७ जून पर्यंत अॅक्टिव्ह होता. तिच्या फोनवरुन अनेक कॉल्स करण्यात आल्याची माहिती आहे. मिळालेल्या माहिती नुसार दिशाच्या फोनवरुन ८ जून, १० जून, १५ जून आणि १७ जून रोजी कॉल्स करण्यात आले होते. या फोनचा काही एमबी डेटा सुद्धा यूज करण्यात आला होता, अशी माहितीही आहे. होणारा पती आणि काही मित्र मंडळी यांच्यासोबत ८ जून रोजी दिशा पार्टीमध्ये सहभागी झाली होती. पार्टी सुरू असताना दिशानं दारुच्या नशेत उडी मारल्याचंही म्हटलं जात आहे. दरम्यान, सुशांतच्या मृत्यूचा तपास आता सीबीआयकडून केला जात आहे. सुशांतच्या मृत्यूप्रकरणी सीबीआयच्या एसआयटीनं तपास सुरू केला आहे. या प्रकरणात अनेक प्रश्नांची उत्तरे सीबीआयच्या टीमला शोधावी लागणार आहेत. पण सर्वात महत्त्वाचा प्रश्न म्हणजे सुशांतसिंग राजपूतचा खून झाला का?, हा आहे. याच प्रश्नाचे उत्तर प्रथम देशातील सर्वात मोठी तपास यंत्रणा असलेल्या सीबीआयला द्यावं लागणार आहे. विशेष म्हणजे आज मुख्यालयात झालेल्या बैठकीत या प्रश्नाकडं लक्ष देण्यात आलं होतं.
from Marathi Bollywood News, Marathi Cinema News https://ift.tt/2Eo7BXr
