मुंबई- बॉलिवूड अभिनेता सुशांतसिंह राजपूतच्या मृत्यूप्रकरणी त्याची गर्लफ्रेंड रिया चक्रवर्तीवर अनेक गंभीर आरोप करण्यात आले आहेत. आता रियाने वकिलांच्या माध्यमातून स्वतःचं म्हणणं स्पष्ट केलं आहे. रियाचं नवं स्टेटमेन्ट जारी करताना तिच्या वकिलांनी स्पष्ट केलं की रिया विरोधात पोलीस आणि ईडीच्या चौकशीत काहीही मिळालं नाही. त्यामुळे सुशांतच्या कुटुंबियांनी केलेले आरोप निरर्थक आहेत. त्यांच्या बोलण्यात कोणतंही तथ्य नसून मनाला येईल तसे आरोप ते करत आहेत. सुशांतच्या प्रकरणाचं आता राजकारण होत असल्याचं रियाच्या वकिलांनी सांगितलं. रिया आणि पर्यावरण आणि पर्यटन मंत्री यांच्या भेटीबद्दल होत असलेल्या चर्चांबद्दल बोलताना त्यांनी स्पष्ट केलं की, दोघं कधीही भेटले नाही. रियाला शिवसेनेच्या नेत्यांबद्दल फक्त ऐकीव माहिती आहे. पण ती आदित्य ठाकरे यांना कधीही भेटली नाही. अनेक राजकीय नेते याचा गैरफायदा उचलू पाहत आहेत. आपल्या स्टेटमेन्टमध्ये नक्की काय म्हणाली- - रिया आदित्य ठाकरे यांना ओळखत नाही आणि ती त्यांना कधीही भेटली नाही. - रियाचं मौन म्हणजे ती दुर्बल आहे असं समजू नये. सुशांतचं कुटुंब शिक्षित आहे आणि या कुटुंबात ओपी सिंह हे आयपीएस अधिकारी आहेत. कुटुंबियांकडून करण्यात आलेले आरोप पूर्णपणे बिनबुडाचे आहेत. - बिहार पोलिसांचं एफआयआर पूर्णपणे राजकीयदृष्टीने तयार करण्यात आलं आहे. त्यामुळे रिया बेकायदेशीर तपासणीचा भाग होऊ शकत नाही. - अंमलबजावणी संचालनालयाच्या (ईडी) तपासणीत ती सहकार्य करत आहे. मुंबई पोलीस आणि ईडी या दोघांनाही रियाची सर्व आर्थिक कागदपत्रं सोपविण्यात आली आहेत. या कागदपत्रातून तिच्यावर झालेले आरोप खोटे असल्याचं स्पष्ट करतात. - रियाच्या खात्यांसह इनकम टॅक्स रिटर्नची तपासणी ईडीने केली आहे. या तपासणीत त्यांना रियाविरुद्ध कोणताही पुरावा मिळाला नाही. - रियाने सुशांतच्या खात्यातून एक रुपयाही ट्रान्सफर केला नाही. त्याच्या सर्व इनकम टॅक्स रिटर्न्सची चौकशी पोलीस आणि ईडीने केली आहे. - रिया आणि सुशांतच्या कुटुंबियांचे संबंध आधीपासूनच चांगले नव्हते. - या स्टेटमेन्टमध्ये स्पष्ट करण्यात आलं आहे की रियाला या प्रकरणाची सीबीआय चौकशी व्हावी याबाबत कोणतीही अडचण नाही.
from Marathi Bollywood News, Marathi Cinema News https://ift.tt/3kX0bLl
