मुंबई : दिवंगत बॉलिवूड अभिनेता यांच्या मृत्यू प्रकरणाचा तपास आता सीबीआय करणार असल्याचं स्पष्ट झालं आहे. सुप्रीम कोर्टानं या प्रकरणाचा तपास मुंबई पोलिसांकडं न देता तो सीबीआयकडं सोपवण्याचा निर्णय दिला आहे. सुप्रिम कोर्टाच्या या निर्णयावर त्याच्या कुटुंबियांकडून तसंच अनेक बॉलिवूड कलाकारांकडून समाधान व्यक्त करण्यात येत आहेत. सुशांतची बहिणी श्वेता सिंह किर्ती हिनं 'ही तर केवळ सुरुवात आहे. सत्याच्या दिशेनं हे पहिलं पाऊल पडलंय',अशा शब्दांत तिनं कोर्टाच्या निर्णयाचं स्वागत केलं आहे.'देवा तू आमच्या प्रार्थनेचं उत्तर तू दिलं; तुझे खूप खूप आभार; आमचा सीबीआयच्या तपासावर पूर्ण विश्वास आहे', असं किर्तीनं म्हटलं आहे. तर सुशांतची एक्स गर्लफ्रेंड हिनं देखील सत्य समोर येण्याच्या दिशेनं हे पहिलं पाऊल असल्याचं म्हटलं आहे. अनुपम खेर म्हणाले...ज्येष्ठ अभिनेते अनुपम खेर यांनी देखील ट्विट करत सुशांतच्या मृत्यू प्रकरणाचा तपास सीबीआयच्या हातात गेल्यानं समाधान व्यक्त केलाय. त्यांनी जय हो.. जय हो.. जय हो असं म्हटलं आहे. अक्षय कुमारनं केलं ट्विट सुशांतसिंह राजपूत यांच्या मृत्यू प्रकरणाचा तपास आता सीबीआयकडं सोपवण्यात आला आहे. आशा आहे की, सत्य सर्वांसमोर येईल, असं अक्षयनं म्हटलं आहे. दरम्यान, बिहार सरकार या प्रकरणाचा तपास करण्याची शिफारस करण्यास सक्षम असल्याचंही सुप्रीम कोर्टानं म्हटलं आहे. महाराष्ट्र सरकार मात्र सुप्रीम कोर्टाच्या या निर्णयाला आव्हान देणार आहे. मुंबई पोलिसांनी तपास केलेला नसून केवळ चौकशी केली आहे, असंही सुप्रीम कोर्टानं म्हटलं आहे. सुप्रीम कोर्टानं हे प्रकरण पूर्णपणे सीबीआयकडं सोपवलं आहे. या पुढे या प्रकणात कोणताही एफआयआर दाखल झाल्यास तो सीबीआयच पाहण्याचं काम करेल असेही सुप्रीम कोर्टानं म्हटलं आहे. सुशांतचा मृत्यू १४ जूनला झाला होता. त्यानंतर या प्रकरणात दोन महन्यांचा काळ उलटून गेल्यावरही कोणताही निष्कर्ष निघू शकलेला नाही. या प्रकरणावर लवकरात लवकर न्याय मिळावा असं सुशांतचे कुटुंबीय आणि मित्रपरिवाराला वाटत होतं. सुशांतसिंह याची बहीण श्वेतासिंह कीर्ती, त्याची माजी गर्लफ्रेंड अंकिता लोखंडेसह त्याचे मित्र आणि चाहते गेल्या अनेक दिवसांपासून सोशल मीडियावर न्यायाची मागणी करत होते.
from Marathi Bollywood News, Marathi Cinema News https://ift.tt/2Q5g6sF
