मुंबई- बॉलिवूड अभिनेता अरुणोदय सिंह आणि त्याची पत्नी ली एल्टन यांचं नातं पुन्हा एकदा चर्चेत आलं आहे. ली एल्टन हिने भोपाळ येथील कौंटुबिक न्यायालयाच्या आदेशाला आव्हान केल्याचं वृत्त समोर आलं आहे. या न्यायालयाने जबलपूर उच्च न्यायालयाने दिलेल्या घटस्फोटाचा निकाल ऐकवला होता. २०१९ मध्ये भोपाळ फॅमिली कोर्टात दोघांचा घटस्फोट झाला होता. अरुणोदय सिंहने ३ डिसेंबर २०१६ रोजी कॅनेडियन प्रेयसी ली हिच्याशी लग्न केलं होतं. पण अरुणोदयशी नातं बिघडल्यानंतर ती पुन्हा कॅनडाला गेली. 'मैं तेरा हीरो' फेम अभिनेता अरुणोदय यांच्या एक्स पत्नीने जबलपूर उच्च न्यायालयाच्या कौटुंबिक न्यायालयाने दिलेल्या घटस्फोटाच्या निर्णयाला आव्हान दिलं असून त्यांनी हा आदेश रद्द करावा अशी मागणी केली आहे. हायकोर्टात दाखल केलेल्या याचिकेमध्ये ली हिने म्हटले आहे की घटस्फोटासंदर्भातली कोणतीही माहिती तिला देण्यात आली नाही आणि १८ डिसेंबर २०१९ रोजी तिला एकतर्फी घटस्फोट देण्यात आला. दरम्यान, या दोघांमधलं नातं त्यांच्या पाळीव कुत्र्यामुळे बिघडल्याचं म्हटलं जातं. आता ली हिच्या याचिकेवर पुढील सुनावणी ऑक्टोबर महिन्यात होणार आहे. चार वर्षांपूर्वी अरुणोदय आणि ली यांनी मध्य प्रदेशातील भोपाळमधील केरवा धरणात १३ डिसेंबर २०१६ रोजी हिंदू पद्धतीने राजेशाही थाटात लग्न केलं होतं. या लग्नाचे अनेक फोटो सोशल मीडियावर व्हायरलही झाले होते.
from Marathi Bollywood News, Marathi Cinema News https://ift.tt/2FEssWI
