मुंबई- प्रकरणात शौविकच्या अटकेनंतर रिया चक्रवर्तीही अडकत जाताना दिसत आहे. नारकोटिक्स कंट्रोल ब्यूरोने शौविकची चौकशी केल्यानंतर आज रविवारी रियालाही चौकशीसाठी हजर राहण्यास सांगितलं. या प्रकरणात एनसीबीची सक्रियता आणि एकामागोमाग एक होणारे खुलासे रियावर लवकरच कारवाई केली जाऊ शकते असं म्हटलं जात आहे. सुशांतसिंह राजपूत प्रकरणात जेव्हा ड्रग्जचा अँगल समोर आला तेव्हा एका मुलाखतीत रिया चक्रवर्तीने ड्रग्ज घेण्याला नकार दिला होता. यावेळी रियाने स्पष्ट केलं की सुशांत नियमितपणे ड्रग्ज घ्यायचा पण तिने कधीही त्याचं सेवन केलं नाही. पण आता मात्र, आता तपास टीमला रियाच्या फोनमधून नवे व्हॉट्सअॅप चॅट मिळाले आहे. ते चॅट पाहून अभिनेत्री स्वत:च्याच जाळ्यात अडकताना दिसत आहे. अहवालानुसार, प्राथमिक तपासणीत एनसीबीला आढळून आलं की ड्रग्ज खरेदी, विक्री आणि त्याच्या वापरात गुंतलेली होती. रियाच्या व्हॉट्सअॅप चॅटमधून कळून आलं की तिने कॉन्ट्राबॅण्ड्स प्रॉडक्ट विकत घेतले, नंतर विकले आणि त्याचा वापरही केला. ही गोष्ट नार्कोटिक ड्रग्ज अँड सायकोट्रॉपिक सबस्टन्स अ‍ॅक्ट (NDPS) 1985 च्या अंतर्गत येते. आता एनसीबीचा तपास जसजसा पुढे जाईल तसतसं रियाच्या अडचणीत वाढ होण्याची शक्यता दिसून येत आहे. शौविकनंतर आता रिया चक्रवर्तीवरही कारवाई केली जाऊ शकते. सुशांतच्या मृत्यू प्रकरणातील मुख्य आरोपी रिया चक्रवर्तीला आता केव्हाही अटक होऊ शकते. एनसीबीने या चौकशीसाठी पुरेसे पुरावे गोळ्या केल्याचं म्हटलं जात आहे. एनसीबीच्या सूत्रांनी दिलेल्या माहितीनुसार, , फ्लॅट मॅनेजर सॅम्युअल मिरांडा आणि सुशांतसिंह राजपूत यांनी ड्रग्जच्या व्यवहारातील प्राथमिक चौकशीत बरंच काही उघड केलं. आतापर्यंत १२ हून अधिक लोकांची चौकशी करण्यात आली असून काहींना अटकही करण्यात आलं आहे. याशिवाय रिया आणि शौविक यांच्या व्हॉट्सअॅप चॅटवर ड्रग्जविषयी जी चर्चा झाली त्यावरून या केसचा मार्ग अधिक सुकर होताना दिसत आहे.
from Marathi Bollywood News, Marathi Cinema News https://ift.tt/2GxcLkx