मुंबई- प्रकरणात गेल्या ३६ तासांत नारकोटिक्स कंट्रोल ब्यूरोने () फक्त चौकशीची दिशाच बदलली नाही तर एकामागून एक तीन व्यक्तींना अटक केली. या अटकेने मुंबई पोलिसांच्या ६६ दिवसांच्या चौकशीवरही प्रश्नचिन्ह उभं केलं आहे. एनसीबीने ३६ तासांमध्ये जे काम केलं ते मुंबई पोलिसांना ६६ दिवसांतही का जमलं नाही असा प्रश्न यावेळी उपस्थित केला जात आहे. शुक्रवारप्रमाणे शनिवारही एनसीबीसाठी महत्त्वपूर्ण होता. आणि सॅम्युअल मिरांडा यांना न्यायालयाने एनसीबी रिमांडवर पाठवले, तर प्रत्यक्षदर्शी साक्षीदार दिपेश सावंतलाही एनसीबीने अटक केली. दिपेशवरही ड्रग्ज विकत घेतल्याचा आरोप आहे. ड्रग्ज अँगलवर गप्प आहेत मंत्री शनिवारी महाराष्ट्राचे गृहमंत्री अनिल देशमुख यांनीही आपली प्रतिक्रिया दिली. 'मुंबई पोलीस सीबीआयला पूर्ण पाठिंबा देत आहेत.' पण जेव्हा देशमुखांना ६६ दिवसांमध्ये मुंबई पोलिसांना ड्रग्ज अँगल का सापडला नाही असा प्रश्न विचारला असता त्यांनी त्यावर कोणतीही प्रतिक्रिया दिली नाही. रविवारी होऊ शकते रिया चक्रवर्तीला अटक? एनसीबीने आता रिया चक्रवर्तीला रविवारी चौकशीसाठी बोलावलं आहे. शुक्रवारपासून एनसीबी ज्या पद्धतीने कार्यरत आहे, त्यावरून चौकशीदरम्यान पुरावा मिळाल्यास ते रियालाही अटक करू शकतात. रिपोर्टनुसार शौविकने एनसीबीला सांगितलं होतं की त्याने रियाच्या सांगण्यावरून ड्रग्ज विकत घेतले होते. तर सॅम्युएलने सांगितलं की त्याने सुशांतसाठी ड्रग्ज विकत घेतले होते. शौविक आणि सॅम्युएलचे अनेक ड्रग्ज चॅट एनसीबीकडे आहेत. यात रियाच्या नावाचाही उल्लेख आहे. रविवारी एनसीबी रिया, शौविक, सॅम्युअल आणि दिपेश यांना समोरा समोर बसववून चौकशी करेल. गरज पडल्यास रियाला झैद विलात्रा आणि अब्दुल बासित परिहार यांच्यासमोरही बसवण्यात येईल. रिपोर्टनुसार, अब्दुल रियाच्या घरी जायचा. यामुळेच रियाकडे संशयाचं बोट दाखवणारे अनेक पुरावे समोर येत आहेत. आतापर्यंत कोणाकोणाला केलं अटक एनसीबीने शुक्रवारी शौविक चक्रवर्ती आणि सॅम्युअल मिरांडा यांना अटक केली. दोघांनाही ९ सप्टेंबरपर्यंत रिमांडवर ठेवण्यात आलं आहे. शनिवारी यालाही अटक करण्यात आली. आज रविवार असल्यामुळे दीपेशला सोमवारी न्यायालयात हजर करता येईल. तीन दिवसांपूर्वी वांद्रे येथून आरोपी ड्रग डीलर झैद विलात्रा आणि अब्दुल बासित परिहार यांना अटक केली. या दोघांनाही ९ सप्टेंबरपर्यंत रिमांडवर ठेवण्यात आले आहे. एनसीबीने कैझान इब्राहिम नावाच्या ड्रग डीलर आरोपीला अटक केली होती. पण शनिवारी त्याला जामिन मिळाला. जामिनाच्या अर्था तास आधी त्याला न्यायालयाने १४ दिवसांच्या न्यायालयीन कोठडीत पाठवले होते.
from Marathi Bollywood News, Marathi Cinema News https://ift.tt/2FeFWbi