मुंबई- '' मधील पहिली वाईल्ड कार्ड एण्ट्री म्हणून सपना सप्पू या बी- ग्रेड सिनेमांमध्ये काम करणाऱ्या अभिनेत्रीचं नाव पुढे आलं आहे. 'बिग बॉस'च्या घरात सीनिअर्स आणि फ्रेशर्स एकमेकांना समजून घेण्याचा प्रयत्न करत आहेत. याच गोंधळात आता सपनाचीही एण्ट्री होणार आहे. सिनेवर्तुळात तिला 'सपना भाभी' या नावाने ओळखलं जातं. मिथुन चक्रवर्ती यांच्या ‘गुंडा’ या सिनेमातून तिने बॉलिवूडमध्ये पदार्पण केलं होतं. आतापर्यंत सपनाने २०० हून अधिक सिनेमांमध्ये काम केलं आहे. ती बी-ग्रेड सिनेमांमध्ये तिच्या हॉटनेससाठी अधिक प्रसिद्ध आहे. ९० च्या दशकात सपनाने सर्वाधिक सिनेमे हे कांती शाह यांच्यासोबत केले होते. आज सपना सप्पूबद्दल अधिक जाणून घेऊ.. -सपना सप्पू उर्फ सपना भाभी कोण आहे? सपना सप्पू ही व्यवसायाने एक अभिनेत्री आहे. ती तिच्या बोल्ड अंदाजासाठी ओळखली जातो. सपनाने मिथुन चक्रवर्तीसोबत पहिला सिनेमा केला होता. त्यात ती मिथून दा यांची बहीण दाखवली होती. ९० च्या दशकात ती आपल्या बोल्ड अदांसाठी विशेष प्रसिद्ध होती. २० वर्षांच्या कारकिर्दीत सपनाने हिंदी, भोजपुरी आणि गुजराती अशा भाषांमध्ये मिळून २०० हून अधिक सिनेमात काम केलं आहे. -सपना सप्पूचे मूळ नाव काय आहे? सपना सप्पूचं मूळ नाव झरीना शेख आहे. -सपना सप्पूचा जन्म कधी झाला आणि तिचं वय किती आहे? सपना सप्पू म्हणजेच झरीना शेखचा जन्म १ मे १९८० रोजी झाला. ती आता ४० वर्षांची आहे. -सपना सप्पूला 'सपना भाभी' हे नाव कसं मिळाले? सपना सप्पू तिच्या 'सपना भाभी' या वेब शोसाठी चर्चेत राहिली होती. या शोचे चार सीझन प्रदर्शित झाले. यानंतर तिचं नाव 'सपना भाभी' असं झालं. -सपना सप्पूच्या कुटुंबात कोण- कोण आहेत? सपना सप्पूने २०१३ मध्ये राजेश गोयलशी लग्न केलं होतं. तो गुजरातचा व्यापारी आहे. मात्र नंतर दोघांचा घटस्फोट झाला. सपना आणि राजेश यांना एक मूल आहे. २०१५ मध्ये जन्मलेल्या मुलाचं नाव शौर्य आहे. सपना आता मुलासह मुंबईत राहते. शिवाय तिची पतीसोबत कायदेशीर लढाईही सुरू आहे. -सपना किती वर्षांपासून अभिनय क्षेत्रात आहे? सपना सप्पू गेली २० वर्षे इंडस्ट्रीमध्ये सक्रिय आहे. काही वर्षांपूर्वी लग्नानंतर ती गुजरातला शिफ्ट झाली होती. पण आता ती पुन्हा मुंबईत परत आली आणि नव्याने करिअरला सुरुवात केली. -सपना सप्पूच्या मुलाचं नाव काय? सपना सप्पूच्या मुलाचे नाव शौर्य असं आहे. तो ५ वर्षांचा आहे. -सपना सप्पू चर्चेत का आली? तिच्या बोल्ड अंदाजामुळे सपना नेहमीच चर्चेत असते. तिने आतापर्यंत अनेक बी- ग्रेड सिनेमांमध्ये काम केलं आहे. अलीकडच्या काळात ती अनेक सेमी-पोर्न वेब सीरिजमध्येही दिसली. सपना तिच्या बोल्डनेससोबतच तिच्या बोलण्यामुळेही चर्चेत असते. निर्मात्यांनी प्रेमात विश्वासघात केल्याचं तिने अनेकदा सांगितलं. तसंच नवऱ्याने तिला कशी वाईट वागणूक दिली याबद्दलही ती बोलली आहे. -सपना सप्पूने कोणत्या वेब शोमध्ये काम केलं आहे? सपना सप्पू आतापर्यंत 'सपना भाभी', 'तांक झांक', 'लव लस्‍ट ड्रामा', 'सपना के अंगूर' आणि 'बॉस' सारख्या वेब शोमध्ये दिसली आहे. -सपना सप्पू आणि कांती शाह यांचं नातं कसं होतं? ९० च्या दशकात सपनाने जेवढे सिनेमे केले त्यातील बहुतांश सिनेमे हे कांती शाह यांचे होते. त्यावेळी अशी चर्चा होती की सपना सप्पू आणि कांती शाह एकमेकांना डेट करत आहेत. पण दोघांनी कधीही याबद्दल स्पष्ट केलं नाही. पण सपनाने एका मुलाखतीत प्रेमात आकंठ बुडालेल्या एका निर्मात्याने तिचा विश्वासघात केला. -सपना सप्पूचा इन्स्टाग्राम आयडी म्हणजे काय? सपना सप्पूचा इन्स्टाग्राम आयडी @sapnasappuofficial आहे. बातमी लिहीपर्यंत तिचे ५०० के फॉलोअर्स आहेत.
from Marathi Bollywood News, Marathi Cinema News https://ift.tt/36Po56X
