मुंबई: हिंदीच्या घरात सध्या प्रचंड ड्रामा पाहायला मिळत आहे. तुफानी सिनिअर्स घरातून बाहेर पडले असले तरी नवीन स्पर्धकांची भांडणं मात्र चर्चेचा विषय ठरत आहेत. बिग बॉसच्या घरात असलेला एकमेव मराठी स्पर्धक राहुल वैद्य हा सुरुवातीपासूनच चर्चेत आहे. कुमार सानू यांचा मुलगा जान सानू याच्यावर घराणेशाहीच्या मुद्द्यावरून टीका केल्यानंतर राहुलवर घरातील इतर स्पर्धकही नाराज झाल्याचं दिसून आलं. तर आजच्या भागात राहुल आणि जॅस्मिन यांच्यात बाचाबाची झाल्याचं पाहायला मिळणार आहे. जान सानू याच्या स्वत:ची अशी काहीच ओळख नाही. वडिलांमुळं तो आज बिग बॉसमध्ये आहे, असं म्हणत राहुल वैद्य यानं जानला एलिमिनेट केलं होतं. यानंतर जान आणि राहुल यांच्यात भांडण झालं. जान रडू लागला. मुलींसारखा रडत असल्याचं म्हणत राहुलनं पुन्हा जानला डिवचलं. हिच गोष्ट नैना सिहं हिला खटकते आणि तिनं राहुलची शाळा घेण्यास सुरुवात केली. ती राहुलला विचारते की, तो मुलींना कमी का लेखत आहे. मुलगी असणं काय असतं हे माहित आहे का तुला, काही वेळासाठी मुलगी होऊन बघ...असं नैना म्हणते. तसंच कॅप्टनसीसाठी झालेल्या एका टास्कमध्ये जॅस्मिन आणि राहुल यांच्यात खतरनाक भांडण झाल्याचं प्रोमोमध्ये पाहयला मिळत आहे. जॅस्मिन मोठमोठ्यानं ओरडते. तर या खेळात राहणं शक्य नसल्याचं म्हणते.
from Marathi Bollywood News, Marathi Cinema News https://ift.tt/37LpvzK
