मुंबई: उत्तर भारतात आपल्या ठुमक्यांनी आणि गाण्यांनी लोकांना घायाळ करणारी हिनं चाहत्यांना गोड बातमी दिली आहे. सपाना एका गोंडस बाळाची आई झाली असून ही आनंदाची बातमी तिचा पती वीर साहू यानं सोशल मीडियाद्वारे शेअर केली आहे. सपना तिच्या डान्स किंवा गाण्यामुळं नव्हे तर तिच्या खासगी आयुष्यामुळं देखील चर्चेत असते. सपनानं गुपचूप साखरपुडा केला होता तसंच लग्नाबद्दलही तिनं गुप्तता बाळगली होती. सपनानं ४ ऑक्टोबर रोजी एका गोंडस मुलाला जन्म दिलाय. वीर साहू यानं सोशल मीडियावर बातमी शेअर केल्यानंतर चाहत्यांनी दोघांनाही शुभेच्छा दिल्या आहेत. परंतु काही जणांनी वीर साहू आणि सपना यांना ट्रोल करण्याचाही प्रयत्न केला. वीर हा अभिनेता आणि गायक आहे. त्याचे अनेक म्युझिक व्हिडीओ व्हायरल झाले आहेत. एका मुलाखतीदरम्यानं सपनानं वीरचं भरभरून कौतुक केलं होतं. तर वीरनं देखील सपना माझ्यासाठी केवळ 'सपना' नाहीए असं म्हटलं होतं. लग्नाविषयी किंवा इतर खासगी गोष्टींविषयी सपना प्रसारमाध्यमांशी कधीच उघडपणे बोलली नाही. आतापर्यंत तिचे नाव अनेक गायकांशी जोडलं गेलं, पण त्यावरही तिनं कधीच प्रतिक्रिया दिली नाही. घरच्यांच्या सहमतीनेंच लग्न करेन, असं तिचं म्हणणं होतं. कोण आहे सपना चौधरी?हरयाणवी लोक गायिका आणि डान्सर सपना चौधरी उत्तर भारतात प्रचंड लोकप्रिय आहे. गरीब कुटुंबात जन्मलेल्या सपनाचं बालपण खडतर होतं. ती १२ वर्षांची असताना तिचं पितृछत्र हरपलं. घरची परिस्थिती बेताची असल्याने तिनं प्रथम ऑर्केस्ट्रामध्ये काम करायला सुरुवात केली. त्यानंतर अल्पावधितच हरयाणवी लोकगायिका व डान्सर म्हणून ती प्रकाशझोतात आली. त्यानंतर गेली अनेक वर्षे डान्स शोच्या माध्यमातून तिने सर्वांनाच भुरळ घातली आहे. तिच्या कार्यक्रमांना तुफान गर्दी होत असून काही ठिकाणी कायदा-सुव्यवस्थेचा प्रश्न निर्माण झाल्याने पोलिसांना लाठीमारही करावा लागला आहे. दरम्यान, सपना चौधरी काही हिंदी सिनेमांमध्येही झळकली आहे. तसंच बिग बॉस हिंदी च्या ११ व्या पर्वातही ती स्पर्धक म्हणून सहभागी झाली होती. २०१६ मध्ये गुरुग्राम येथे सपना चौधरीच्या कार्यक्रमावरून वाद निर्माण झाला होता. तिच्या विरोधात तक्रारही दाखल करण्यात आली होती. त्यानंतर सोशल मीडियावरूनही तिच्यावर बरीच टीका झाली. यामुळं नैराश्य आलेल्या सपनानं विष पिऊन आत्महत्येचा प्रयत्नही केला होता.
from Marathi Bollywood News, Marathi Cinema News https://ift.tt/34Bfe5O
