मुंबई: 'दिग्दर्शक अनुराग कश्यपविरोधात लैंगिक अत्याचाराचे आरोप लावताना अभिनेत्री पायल घोषनं काही कारण नसताना माझे नाव घेऊन या वादात ओढले आहे. शिवाय बिनबुडाचे व अश्लील आरोप करून माझी बदनामी केली आहे', असे म्हणत अभिनेत्री हिनं मुंबई उच्च न्यायालयात धाव घेतली होती. या प्रकरणी न्यायालयात आज सुनावणी करण्यात आली. 'अभिनेत्री रिचा चढ्ढाविषयी मला खूप आदर आहे. प्रकरणात मी वाईट हेतूनं तिच्या नावाचा उल्लेख केला नाही’, अभिनेत्री हिनं वकिल अॅड. नितीन सातपुते यांच्यामार्फत मुंबई हायकोर्टात निवेदन दिलं. 'पायल घोष आपलं ते विधान मागं घेण्यास तयार असेल आणि माफी मागण्यास तयार असेल तर रिचासोबतचा वाद मिटू शकतो’, असं न्यायमूर्ती ए. के. मेनन यांनी सुचवलं आहे. आणि पायल ते विधान मागे घेऊन माफी मागणार का, हे दुपारी ३ वाजता स्पष्ट करा, असे निर्देश न्यायमूर्तींनी अॅड. सातपुते यांना दिलेआहेत. त्याप्रमाणे दुपारी ३ वाजता चित्र स्पष्ट होणार आहे. काय आहे प्रकरण?'अनुरागने २०१४मध्ये मला त्याच्या घरी बोलावून माझा विनयभंग केला आणि माझ्यासमोर अश्लील वर्तन केलं', असा आरोप पायलनं जाहीररीत्या केल्यानंतर त्याविषयी मुंबई पोलिसांकडून चौकशी सुरू आहे. यासंदर्भात एका व्हिडिओद्वारे आरोप करताना पायलने रिचाचाही उल्लेख केला होता. त्यामुळं रिचानं अॅड. सवीना बेदी यांच्यामार्फत अब्रुनुकसानीचा दावा दाखल केला असून त्यात पायल आणि पायलचा व्हिडिओ प्रसारित करणारे एबीएन तेलुगू ही युट्युब वाहिनी तसेच अभिनेता कमाल आर. खान यांना प्रतिवादी केले आहे. या सर्व संबंधितांना आक्षेपार्ह मजकूर पसरवण्यास आणि तो प्रसारित करण्यापासून तातडीने मज्जाव करावा, अशी विनंतीही रिचाने दाव्यासोबतच्या तातडीच्या अर्जात केली आहे.
from Marathi Bollywood News, Marathi Cinema News https://ift.tt/3d5VcUO
