मुंबई- बॉलिवूड अभिनेता आपल्या खास स्टाईलमुळे बर्‍याचदा चर्चेत असतो. यावेळी रणवीर सिंगचा एक व्हिडिओ चर्चेत आला आहे. गुरुवारी त्याच्या गाडीला एका दुचाकीने धडक दिली. यात कोणालाही इजा झाली नाही. पण रणवीरच्या गाडीला घासून दुचाकीस्वार गेला. रणवीर सिंगने गाडीतून पाहिली स्थितीत रणवीर त्याच्या आगामी सिनेमाचं डबिंगचं काम पूर्ण करून गाडीतून घरी परतत होता. घरी परतताना त्याच्या गाडीला एका दुचाकीस्वाराने धडक दिली. यानंतर रणवीर गाडीतून खाली उतरला आणि त्याने गाडीचं फार नुकसान झालं की नाही ते तपासून पाहिलं. यानंतर त्याच्या अंगरक्षकाने त्याला पुन्हा गाडीत बसायला सांगितलं. मग तो गाडीत जाऊन बसला. रणवीर सिंह यांनी पंतप्रधान मोदींचे पोस्ट रिट्वीट केले अलीकडेच रणवीरने आपल्या ट्विटर अकाउंटवरून कोविड- १९ च्या प्रतिबंधाबद्दल एक पोस्ट शेअर केले होते. यात त्याने पंतप्रधान मोदींचं ट्वीटला प्रतिक्रिया देत म्हटलं की, 'आपण सर्वजण एकत्र येऊन करोनाविरूद्धची ही लढाई जिंकू.' रणवीर सिंगचा आगामी सिनेमा रणवीर सिंग दिग्दर्शक कबीर खानच्या ८३ सिनेमात दिसणार आहे. या सिनेमात त्याची पत्नी दीपिका पादुकोणही दिसणार आहेत. हा सिनेमा १९८३ च्या क्रिकेट विश्वचषक विजयावर आधारित आहे. सुरुवातीला या एप्रिल महिन्यातच हा सिनेमा प्रदर्शित होणार होता. पण करोना व्हायरसमुळे तसं होऊ शकलंं नाही. आता नाताळमध्ये हा सिनेमा प्रदर्शित करण्याचा निर्मात्यांचा मानस आहे.
from Marathi Bollywood News, Marathi Cinema News https://ift.tt/37c7dXW
