मुंबई- सेलिब्रेटी काय खातात, कसे जगतात याबद्दल सर्वसामान्यांना नेहमीच उत्सुकता असते. जेव्हापासून सोशल मीडियाची क्रेझ वाढली तेव्हापासून सेलिब्रिटीही त्यांचा नित्यक्रम चाहत्यांसोबत शेअर करू लागले. यानंतरच सेलिब्रिटीही सर्वसामान्यांप्रमाणेच राहतात हे पटू लागलं. तेही डाळ, भात, चपाती अशा गोष्टी खातात याची खात्री पटली. आता तुम्ही माधुरी दीक्षितचंच घ्या ना... तिला फार आवडते. अशात जेव्हा तिला भूक लागली तेव्हा पती डॉ. यांनी तिच्यसाठी साबुदाण्याची खिचडी बनवली. स्वतःही खाल्ली आणि माधुरीलाही भरवली.. माधुरीने इंस्टाग्रामवर शेअर केला व्हिडिओ माधुरी दीक्षितने तिचा इन्स्टाग्रामवर एक व्हिडिओ शेअर केला आहे. यात डॉ. नेने खिचडी बनवताना दिसत आहेत तर माधुरी त्यांना खिचडी कशी बनवायची ते सांगताना दिसत आहे. व्हिडिओ शेअर करताना माधुरीने तिला साबुदाण्याची खिचडी फार आवडत असल्याचं म्हटलं. व्हिडिओ: श्रीराम-माधुरीची साबुदाण्याची खिचडी श्रीराम विचारतात- क्यूमिनला हिंदीमध्ये काय म्हणतात हा व्हिडिओ खूप मजेशीर आहे. कारण श्रीराम स्वयंपाकघरात खिचडी करण्याचा प्रयत्न करत आहेत. एखाद्या नवशिक्याप्रमाणे ते प्रत्येक गोष्ट माधुरीला विचारत आहेत. यावेळी त्यांनी क्यूमिनला हिंदीमध्ये काय म्हणतात विचारलं. यावर माधुरीने जीरा असं उत्तर दिलं. यानंतर मराठीत काय म्हणतात असंही विचारलं. यावर माधुरीने मराठीत क्यूमिनला जीरं म्हणतात असं म्हणाली. एवढ्यावरच नेने थांबले नाहीत त्यांनी क्यूमिनला बंगाली आणि गुजरातीमध्ये काय विचारतात असाही प्रश्न विचारला. दरम्यान, प्रत्येक जोडप्याने माधुरी दीक्षित आणि श्रीराम नेने यांच्याकडून शिकलं पाहिजे की गोष्ट कामाची असो किंवा स्वयंपाकघरातली, प्रत्येक गोष्ट शेअर करता आली पाहिजे. माधुरीने लॉकडाउनमध्ये दिलं नृत्य प्रशिक्षण करोना संसर्गामुळे जेव्हा देशात लॉकडाउन घोषित करण्यात आले, त्या काळात माधुरीने घर बसलेल्यांना नृत्य प्रशिक्षण दिलं. इतकंच नाही तर तिने श्रीराम नेने यांना नवा हेअरकटही दिला. आता नवऱ्याला स्वयंपाक शिकवण्याचा निश्चय माधुरीने केलेला दिसतो. माधुरी दीक्षित 'कलंक' मध्ये दिसली होती सिनेमांबद्दल बोलायचे झाले तर माधुरी दीक्षितने करण जोहरच्या कलंक सिनेमात शेवटचं काम केलं होतं. या सिनेमात तिच्यासोबत संजय दत्त, वरुण धवन आणि आलिया भट्ट देखील होते. बर्‍याच वर्षांनंतर माधुरी आणि संजय दत्त एकत्र स्क्रीनवर दिसले होते.
from Marathi Bollywood News, Marathi Cinema News https://ift.tt/2SB5y5P
