मुंबई- बॉलिवूड अभिनेता विवेक ओबेरॉयच्या घरी बेंगळुरू केंद्रीय गुन्हे शाखेने (सीसीबी) छापा टाकला आहे. विवेकच्या पत्नीचा सख्खा भाऊ हा बंगळुरू ड्रग्ज केसचा आरोपी आहे. त्याच्या शोधात पोलिसांनी विवेकच्या मुंबई निवास स्थानावर छापा टाकला. आदित्यविरोधात गुन्हा दाखल झाल्यापासून तो फरार आहे. सीसीबीने कोर्टाच्या वॉरन्टद्वारे विवेकच्या घराची झडती घेतली. सीसीबीने सादर केलं त्यांचं निवेदन सीसीबीने दिलेल्या निवेदनात म्हटलं की, कॉटनपेट प्रकरणात आदित्य अल्वा फरार आहे. त्याचा नातेवाईक आहे. आम्हाला माहिती मिळाली की अल्वा विवेकच्या घरी आहे. म्हणून आम्हाला त्याच्या घराची तपासणी करायची होती. यासाठी न्यायालयाकडून वॉरन्ट घेऊन सीसीबीची एक टीम मुंबईत आली. सॅण्डलवुड ड्रग्ज प्रकरणात आतापर्यंत बरीच मोठी नावं समोर आली आहेत. त्यापैकी रागिनी द्विवेदी हे एक मोठं नाव आहे. विवेकच्या घरी जाण्यापूर्वी सीसीबीच्या पथकाने आदित्यच्या घरावर छापा टाकला आहे. ड्रग्ज प्रकरणात अटक केलेल्या आरोपीने सांगितलं आदित्यचं नाव हाय-फाय ड्रग्ज प्रकरणात बरीच मोठी नावं समोर आला आहेत यात काहींना अटकही करण्यात आली आहे. अटक केलेल्या ड्रग्ज डीलरपैका एकाने चौकशीत आदित्य अल्वाचं नाव घेतलं. बेंगळुरूचे गुन्हे विभागाचे सहआयुक्त संदीप पाटील यांनी दिलेल्या माहितीनुसार, डीलरने आदित्यचं नाव सांगितल्यानंतर हेब्बल शेजारील आदित्यच्या 'हाउस ऑफ लाइव्ज' या घरावर छापा टाकण्यात आला होता. माजी मंत्री जीवराज अल्वा यांचा मुलगा आदित्य आदित्य अल्वा हा माजी मंत्री जीवराज अल्वा यांचा मुलगा आहे. असं म्हणतात की बड्या पार्टीची आदित्य नेहमीच शान होता. त्याची बहीण प्रियांकाचं बॉलिवूड अभिनेता विवेक ओबेरॉयशी लग्न झालं आहे. रागिनीने युरीनमध्ये मुद्दाम मिसळले पाणी आतापर्यंत सॅण्डलवुड ड्रग्ज प्रकरणात अभिनेत्री रागिनी द्विवेदी व्यतिरिक्त अमली पदार्थ डिलर रविशंकर, शिव प्रकाश, राहुल शेट्टी, विरेन खन्ना यांना अटक करण्यात आली आहे. ड्रग्ज टेस्ट दरम्यान रागिनीने यूरिनमध्ये पाणी मिसळून नमुना बिघडवण्याचा प्रयत्न केला होता. पोलिसांच्या लक्षात ही बाब आल्यानंतर त्यांनी पुन्हा रागिनीची ड्रग्ज टेस्ट केली.
from Marathi Bollywood News, Marathi Cinema News https://ift.tt/31c1DB7
