मुंबई: काही कलाकार नवरात्रोत्सवात एखादा वेगळा, अभिनव प्रयोग करतात. वेगवेगळ्या माध्यमांद्वारे नारीशक्तीचं दर्शन घडवत असतात. अभिनेत्री आपल्या कलाकृतींतून दरवर्षी ते करत असते. यंदा नवरात्रोत्सवात तेजस्विनी यंदा देवीच्या विविध रुपांच्या माध्यमातून करोना योद्ध्यांना मानवंदना देण्याचा प्रयत्न तेजस्विनी करत आहे. तिच्या फोटोंची सोशल मीडियावर जबरदस्त चर्चा असून चाहत्यांकडून या फोटोंना पसंती मिळत आहे. घटस्थापनेच्या पहिल्या दिवशी तेजस्विनीनं डॉक्टरांच्या रुपातील करोना योद्धांना तेजस्विनीनं मानवंदना दिली होती. तर दुसऱ्या दिवशी सद्रक्षणाय खलनिग्रहणायच्या वाटेवरती कर्तव्य अन माणुसकीची कावड माझ्या हाती तू नाहीस असहाय माते !हात माझा सदैव तुझ्या हाती सदैव तुझ्या साठी असं म्हणत तिनं पोलिसांना सलाम ठोकला आहे. तर आज नवरात्रोत्सवाच्या तिसऱ्या दिवशी तेजस्विनीनं सफाई कामगारांना मानवंदना दिली आहे. तेजस्विनीचा हा सुंदर फोटो सोशल मीडियावर प्रचंड व्हायरल झाला असून तिचं कौतुक होत आहे. कोविडसारख्या महाभयंकर संकटातून बाहेर पडण्यासाठी करोनायोद्धे जिवाचं रान करत आहेत. या कठीण काळातही ते स्वत:ची पर्वा न करता नागरिकांच्या सेवेसाठी तत्पर आहेत. याच योद्ध्यांना मानवंदना देण्याचा प्रयत्न तेजस्विनी करणार आहे. 'यंदा फोटोशूट करताना खूप मर्यादा होत्या. त्यातही नियमांचं पालन करुन आणि सुरक्षेच्या दृष्टीनं काळजी घेऊन एक छोटासा प्रयत्न केला आहे. त्यातून योद्ध्यांप्रती असलेल्या माझ्या भावना त्यांच्यापर्यंत पोहोचतील अशी आशा आहे. तसंच तो प्रयत्न लोकांनाही आवडेल अशी अपेक्षा आहे', असं तेजस्विनी सांगते.
from Marathi Bollywood News, Marathi Cinema News https://ift.tt/35fcawr
