मुंबई: येणाऱ्या बाळाच्या आगमानाची दोघांनाही तितकीच उत्सुकता होती. पण देवाच्या मनात मात्र काही तरी वेगळंच होतं. बाळाच्या जन्मापूर्वीच कन्नड अभिनेता याचं आकस्मित निधन झालं. तो अवघा ३९ वर्षांचा होता. चिरंजीवीची पत्नी गरोदर असतानाचा तो तिला कायमचाच सोडून गेला. पण तिनं या कठिण परिस्थितीतही स्वत:ला सावरलं आहे. दुःखाचा डोंगर असतानाही ती डगमगली नाहीए. नुकतंच मेघना हिचं डोहाळे जेवण पार पडलं. या कार्यक्रमाचे फोटो सध्या सोशल मीडियावर व्हायरल झाले आहेत. फोटो पाहून डोळ्यात पाणी आल्याशिवाय राहणार नाही. चिरंजीवी या जगात नाहीए, हे मेघनानं स्विकारलं असलं तरी प्रत्येक खास क्षणी तो असायला हवा, असं तिला वाटणं साहजिकच आहे. यासाठी तिच्या डोहाळे जेवणाच्या कार्यक्रमात तो देखील सहभागी झाला होता. मेघना चिरंजीवीच्या कुटुंबियांनी एका खास पद्धतीनं त्याला या कार्यक्रमात सहभागी केलं . मेघनानं शेअर केलेल्या फोटोंमध्ये चिरंजीवीचं एक फोटो पोस्टर दिसत आहे. पहिल्यांदा फोटो पाहिल्यानंतर असल्याचा भास होतो.मेघनाच्या डोहाळ जेवणाचे फोटो व्हायरल झाल्यानंतर चिरंजीवीचे चाहतेही प्रचंड भावुक झाले. तो आज या क्षणी असायला हवा होता, अशा भावना अनेकांनी व्यक्त केल्या आहेत. आणि चिरंजीवी सरजाचं २ मे २०१८ रोजी लग्न झालं होतंगेल्या १० वर्षांपासून ते रिलेशनशिपमध्ये होते. यानंतर त्यांनी २०१८ मध्ये लग्न केलं. काही दिवसांपूर्वी मेघनाने चिरंजीवी आणि तिचे फोटो सोशल मीडियावर शेअर केले होते. यात दोघांचं एकमेकांसाठीचं नित्सिम प्रेम दिसून येत होतं. चिरंजीवी आपल्या बाळाला पाहूही शकला नाही याच गोष्टीची चुटपूट सर्वांना लागली आहे.
from Marathi Bollywood News, Marathi Cinema News https://ift.tt/36QkRQx
