मुंबई- सना खानने नुकतेच गुजरातच्या मुफ्ती सईद अनासशी लग्न केले. त्यांच्या लग्नाचे अनेक फोटो आणि व्हिडिओ सोशल मीडियावर व्हायरल झाले आहेत. लग्नानंतर सना खानने स्वतःचं नावही बदललं आहे. सुरुवातीला सोशल मीडियावर तिचं नाव फक्त सना खान असंच दिसायचं पण आता ती आपल्या नावाच्या पुढे सईद लावते. सईद सना खान असं तिने आपलं नाव बदललं आहे. सोशल मीडिया अकाउंटवर तिने हेच नाव ठेवलं आहे. सनाने लग्नावेळी पांढऱ्या रंगाचा गाऊन घातला होता. यासोबतच तिने पांढऱ्या रंगाचाच हिजाब घातला होता. लग्नानंतरच्या रिसेप्शनसाठी अर्थात वालिमासाठी एक सुंदर लाल लेहंगा घातला होता. या लेहंग्यामध्ये ती फारच सुंदर दिसत होती. अल्लाहसाठी एकत्र आलो सना खानने सईदशी लग्न केल्याची बातमी जेव्हा समोर आली तेव्हा सुरुवातीला साऱ्यांनाच धक्का बसला. लग्नाच्या दुसऱ्या दिवशी तिने लग्नाचं कारणही सांगितलं. नवऱ्यासोबतचा फोटो शेअर करताना तिने लिहिले की, 'अल्लाहसाठी एकमेकांवर प्रेम केलं... अल्लाहसाटी एकमेकांशी लग्न केलं. आम्हाला या जगात आणि स्वर्गात एकत्र ठेवेल.' महिन्याभरापूर्वी बॉलिवूडला केलं अलविदा सना खानने २० नोव्हेंबरला रात्री सूरतमधील मुफ्ती अनसशी लग्न केलं. लग्नावेळी तिने संपूर्ण पांडऱ्या रंगाचा पोशाख घातला होता. त्यावर पांढऱ्या रंगाचाच हिजाबही होता. लग्न झाल्यानंतर वधू- वरांनी केकही कापला. केक कापतानाचा एक व्हिडिो सोशल मीडियावर व्हायरल झाला. ऑक्टोबर महिन्यात सनाने धर्मासाठी बी- टाउन कायमचं सोडण्याचा निर्णय घेतला होता. आपल्या या निर्णयाबद्दल बोलताना तिने लिहिले की, 'मी मानवतेच्या आणि धर्माच्या मार्गावर चालण्याचं ठरवलं आहे.' मुफ्ती अनास हे गुजरातमधील सूरत येथील राहणारे असून ते धार्मिक नेते आणि इस्लामिक विद्वान आहेत. मिळालेल्या माहितीनुसार, मुफ्ती अनास हे एक व्यावसायिका देखील आहेत.
from Marathi Bollywood News, Marathi Cinema News https://ift.tt/377M1Rv
