लंडन- हॉलिवूड अभिनेता कायदेशीर प्रकरणामुळे गेल्या काही काळापासून चर्चेत आहे. या प्रकरणात सोमवारी न्यायमूर्ती अँड्र्यू निकोल यांनी अभिनेत्याविरोधात निकाल दिला. निकालानंतर जॉनी डेपने स्पष्टीकरण देताना म्हटलं की, त्याने या खटल्यासंबंधी आवश्यक असलेले सर्व पुरावे आणि गोष्टी न्यायालयासमोर सादर केल्या आहेत. काय आहे प्रकरण खरंतर, अभिनेता जॉनी डेपने २०१८ मध्ये या वृत्तपत्रात छापलेल्या एका बातमीविरोधात वृत्तपत्राचे प्रकाशक, वृत्तपत्र आणि त्याचे कार्यकारी संपादक डॅन वूटन यांच्याविरोधात तक्रार नोंदवली होती. या तक्रारीत असा आरोप केला गेला होता की त्याने (जॉनी डेप) एक्स पत्नी अंबर हर्डविरोधात हिंसक वर्तन आणि अपमानास्पद भाषेचा वापर केला. काय म्हणाला जॉनी डेप वृतपत्रात प्रसिद्ध करण्यात आलेल्या बातमीत काहीही तथ्य नसल्याचं जॉनी डेप म्हणाला. तसंच अंबरसोबत त्याने कधीच हिंसा केली नाही असंही त्याने स्पष्ट केलं. वृत्तपत्रात ज्या घटनेचा उल्लेख केला गेला त्यात कधीही असं झालं नसल्याचंही तो बोलला. तो नशेत असल्यामुळे कदाचित तो काही बोलला असेल पण म्हणून तो हिंसक व्यक्ती होतो असं नाही. विशेषत: स्त्रियांबाबत कधीच हिंसक झाला नसल्याचं सांगितलं. डेपने स्वत: ला अहिंसक व्यक्ती म्हणत अंबरने त्याच्यावर प्राणघातक हल्ला केल्याचाही आरोप केला होता. काय होता एक्स पत्नीचा आरोप महत्त्वाचं म्हणजे जॉनी डेप आणि यांनी २०१५ मध्ये लग्न केलं. पण त्यांचं हे लग्न फार काळ टिकलं नाही. २०१७ मध्ये त्यांनी घटस्फोट घेतला. याकाळत अंबरने आरोप करत म्हटलं २०१३ ते २०१६ दरम्यान डेपने तिला अनेकवेळा मारहाण केली होती.
from Marathi Bollywood News, Marathi Cinema News https://ift.tt/34OadIy