मुंबई: गोव्याच्या समुद्र किनारी अश्लिल व्हिडिओ आणि फोटोशूट केल्यामुळं गेल्या काही दिवसांपासून मॉडेल आणि अभिनेत्री पूनम पांड्ये चर्चेत होती. आता ती पुन्हा एकदा चर्चेत येण्याचं कारण म्हणजे, ती असल्याचं म्हटलं जात आहे. डॉक्टर वरखा प्रभुगावकर यांनी पूनम सहा आठवड्यांची गर्भवती असल्याचं म्हटलं होतं. त्यानंतर पूनमच्या प्रेग्नेसीच्या चर्चा रंगल्या होत्या. आता पूनमनंच या सर्व चर्चा खोट्या असल्याचं म्हटलं आहे. 'मी गरोदर असल्याच्या चर्चा सुरू आहेत,या सर्व अफवा असून जेव्हा गूड न्यूज असेल तेव्हा मी स्वत: चाहत्यांसोबत शेअर करेन', असं पूनमनं म्हटलं आहे. पूनम सध्या फोटोशूटसाठी गोव्यात आहेत. एका प्रसिद्ध वेबसाइटला दिलेल्या मुलाखतीत पूनमनं तिच्या गरोदर असण्या संदर्भातल्या चर्चा खोट्या असल्याचं म्हटलं आहे. गोवा पोलिसांनी केली होती अटक गोव्यातील चापोली धरणावर पूनमचा हा अश्लिल व्हिडिओ शूट करण्यात आला असून सोशल मीडियावर देखील प्रचंड व्हायरल झाला आहे. या व्हिडिओवर आक्षेप घेत गोवा फॉरवर्ड पार्टीच्या वुमेन विंगकडून पूनम विरोधात तक्रार देण्यात आली होती.दक्षिण गोव्याचे एसपी पंकज कुमार सिंह यांनी यासंदर्भात माहिती दिली होती. जल संपदा विभागातील सहाय्यक अभियंता यांनी देखील तक्रार केली होती.आयपीसीच्या कलम २९४ अन्वये पूनमवर गुन्हा दाखल करण्यात आला होती. तिला आणि तिचा पती यांना पोलिसांनी अटक केली होती. नंतर दोघांचीही जामिनावर सुटका करण्यात आली.
from Marathi Bollywood News, Marathi Cinema News https://ift.tt/3pElgfP
