मुंबई- अनुराग बसू यांनी दिग्दर्शित केलेला '' हा चित्रपट एका ओटीटी प्लॅटफॉर्मवर प्रदर्शित झाला आहे. अभिनेता आदित्य रॉय-कपूरनं या चित्रपटात एका शब्दभ्रमकाराची भूमिका साकारली आहे. या भूमिकेसाठी शब्दभ्रमकार सत्यजित पाध्येनं आदित्यला प्रशिक्षण दिलं. विशेष म्हणजे आदित्यसारखी हुबेहूब दिसणारी बाहुलीच "थ्रीडी प्रिंटींग"च्या साहाय्यानं तयार करण्यात आली होती. सुप्रसिद्ध शब्दभ्रमकार आणि या दोघांनी मिळून थ्रीडी स्कॅनिंग आणि थ्रीडी प्रिंटींगच्या मदतीनं ही बाहुली तयार केली असून, कुठल्याही सेलिब्रिटीची भारतातली ही पहिलीच बाहुली आहे, जी बॉलिवूडमध्ये वापरली गेली आहे. रामदास पाध्ये याबाबत म्हणाले, की 'अनुराग दादांना माहीत होतं की आम्ही अनेक बोलके बाहुले तयार करतो. म्हणून जेव्हा त्यांनी सांगितलं की आदित्यसारखी हुबेहूब दिसणारी बाहुली त्यांना हवी आहे, तेव्हा "थ्रीडी प्रिंटींग"च्या साहाय्यानं आम्ही हे करू शकू, असं सत्यजित आणि मी त्यांना सांगितलं.' 'लुडो' प्रदर्शित झाल्यानंतर सिनेमातली ती बाहुली पाहून सत्यजितला कौतुकाचे अनेक फोन्स आणि मेसेजेस येत आहेत. अनुराग बसू आणि यांच्याबरोबर काम करण्याचा अनुभव अविस्मरणीय होता, असं सत्यजित सांगतो. सत्यजितनं यापूर्वी 'इंडियाज गॉट टॅलेंट', 'कौन बनेगा करोडपती', 'बिग बॉस' अशा अनेक टेलिव्हीजन शोमधून आपली कला सादर केली आहे. रामदास पाध्ये यांच्याकडे जवळपास २२०० हून अधिक बाहुल्या आहेत. 'अनुराग बासुंकडून एक दिवस आम्हाला फोन आला, की त्यांनी एका चित्रपटासाठी आदित्य रॉय कपूरला शब्दभ्रमकारच्या भूमिकेसाठी निवडलं आहे. त्याला ही कला शिकवशील का? असं त्यांनी विचारलं. ही कला खूप कठीण आहे. पण, त्याला मी शब्दभ्रमकाराचे हावभाव वगैरे काही गोष्टी शिकवेन. आदित्यनं सुमारे २० दिवस माझ्याकडे प्रशिक्षण घेतलं. सिनेमात सगळे संवाद आणि बाहुली त्यानं स्वतः हाताळली. ही कला अधिकाधिक लोकांपर्यंत पोहोचताना पाहून अत्यंत आनंद होतो.' असं सत्यजित पाध्ये म्हणाले.
from Marathi Bollywood News, Marathi Cinema News https://ift.tt/3fBwVHK
