मुंबई- गायक सोनू निगमने आपल्या मुलाच्या कामाबद्दल मोठं विधान केलं आहे. आपला मुलगा त्याच्यासारखा गायक होणार नाही असं सोनू म्हणाला. एवढंच नाही तर जर गायक झाला तर, किमान तो भारतात तरी गायक होणार नाही असेही त्याने स्पष्ट केलं. युएईमध्ये आहे आणि गेमिंगमध्ये काम करत आहे. एवढंच नाही तर तो युएईच्या अव्वल गेमर्सपैकी एक आहे. गेमिंगमध्ये आहे निवानला रस ४७ वर्षीय सोनूने टाइम्स नाऊला दिलेल्या मुलाखतीत याचा खुलासा केला. तो म्हणाला की खरं सांगायचं तर मला त्याला गायक बनवायचं नाही. तो यापुढे भारतातही फारसा राहणार नाही. तो दुबईत राहतो. मी त्याला आधीच भारतातून बाहेर काढलं आहे. तो जन्मजात गायक आहे परंतु त्याला जीवनातल्या इतर गोष्टींमध्ये रस आहे. सोनू म्हणाला- तो आता युएईच्या सर्वाधिक लोकप्रिय गेमर्सपैकी एक आहे. निवानमध्ये अनेक अनेक सुप्तगुण आहेत. तो फार बुद्धिमानही आहे. याचमुळे त्याने काय करावं हे मला त्याला सांगायचे नाही. पाहू त्याला काय करायचं आहे ते.. आय फॉर इंडियामध्ये गाताना दिसला निवान लहान असताना, निवान अनेकवेळा सोनूबरोबर स्टेजवर परफॉर्म करताना दिसला. निवान आपल्या वडिलांसोबत रेकॉर्डिंग स्टुडिओमध्येही जायचा. लॉकडाउन दरम्यान निवान सोनूसोबत एका ऑनलाइन कॉन्सर्टमध्येही गायला होता. जर आपण सोनू निगमच्या कामाबद्दल बोललो तर सध्या तो 'ईश्वर का वो सच्चा बंदा' या नवीन गाण्याच्या तयारीला लागला आहे.
from Marathi Bollywood News, Marathi Cinema News https://ift.tt/3npV9XY
