मुंबई : बॉलिवूडमधील आघाडीचा अभिनेता सोशल मीडियावर चांगलाच सक्रीय असतो. सातत्याने तो काही ना काही पोस्ट शेअर करत असतो. आता वरुणने तो बाबा झाल्याची बातमीदेखील सोशल मीडियावरून आपल्या चाहत्यांना शेअर केली आहे. ज्या पद्धतीने वरुणने ही बातमी शेअर केली, ती पद्धत त्याच्या चाहत्यांना खूपच आवडली आहे. वरुणने आपल्या इन्स्टाग्राम अकाऊंटवर एक व्हिडीओ शेअर केला आहे. या व्हिडीओमध्ये वरुण त्याच्या पाळीव श्वानासोबत खेळताना दिसत आहे. हा व्हिडिओ शेअर करताना त्याने लिहिले की, 'पितृत्व... माझ्या मुलाचं नाव काय ठेवायचं हे मला सुचत नाहीए. कृपया मला त्यासाठी तुम्ही मदत करा....' वरुणच्या या पोस्टनंतर त्याच्या चाहत्यांनी त्याच्यावर शुभेच्छांचा वर्षाव केला आहे. एका चाहत्याने लिहिले की, 'सर तुम्हाला खूप खूप शुभेच्छा...' तर दुसऱ्या एका युझरने हार्टचा इमोजी शेअर केले. अनेक युझर्स त्याला बाळाचे नाव सुचवत आहेत. चाहत्यांशिवाय वरुणला जॅकलिन फर्नांडिस, सोनाक्षी सिन्हा, उर्वशी रौतेला, गुरु रंधावा, नुसरत भरुचा यांनीदेखील भरभरून शुभेच्छा दिल्या आहेत. दरम्यान वरुणने त्याची गर्लफ्रेंड नताशा दलाल सोबत २४ जानेवारी २०२१ मध्ये अलिबाग येथे डेस्टिनेशन वेडिंग केले होते. या दोघांच्या लग्नाचे फोटो सोशल मीडियावर खूपच व्हायरल झाले होते. वरुण धवनच्या आगामी प्रोजेक्टविषयी सांगायचे झाल्यास तो अमर कौशिक यांच्या भेडिया नावाच्या चित्रपटामध्ये दिसणार आहे. या हॉरर कॉमेडी चित्रपटात त्याच्या जोडीला अभिनेत्री कृती सेनन, अभिषेक बॅनर्जी यांच्या प्रमुख भूमिका आहेत. याशिवाय तो जुग - जुग जिओ नावाच्या चित्रपटामध्येही दिसणार आहे.
from Marathi Bollywood News, Marathi Cinema News https://ift.tt/2U9V1CJ
