पणजी: गोव्याच्या समुद्र किनारी अश्लिल व्हिडिओ आणि फोटोशूट केल्या प्रकरणी पोलिसांच्या ताब्यात असेल्या मॉडेल पूनम पांड्येला जामीन मंजूर झाला आहे. काही दिवसांपासून सोशल मीडियावर पूनम पांड्येचा अश्लिल आणि न्यूड व्हिडिओ व्हायरल होत आहे. गोव्याच्या समुद्र किनारी हा व्हिडिओ शूट करण्यात आल्यानं नागरिकांनी आक्षेप घेत पोलिसात तक्रार दाखल केली होती. तक्रारीवरून पोलिसांनी पूनम आणि तिचा पती यांना काल म्हणजेच गुरुवारी ताब्यात घेतलं होतं. आज त्यांना जामीन मिळाला असून प्रत्येकी २० हजार रुपयांच्या जातमुचलक्यावर त्यांना जामीन मिळाला असल्याची माहिती आहे. काय आहे प्रकरण? गोव्यातील चापोली धरणावर पूनमचा हा अश्लिल व्हिडिओ शूट करण्यात आला असून सोशल मीडियावर देखील प्रचंड व्हायरल झाला आहे. या व्हिडिओवर आक्षेप घेत गोवा फॉरवर्ड पार्टीच्या वुमेन विंगकडून पूनम विरोधात तक्रार देण्यात आली होती.दक्षिण गोव्याचे एसपी पंकज कुमार सिंह यांनी यासंदर्भात माहिती दिली आहे. जल संपदा विभागातील सहाय्यक अभियंता यांनी देखील तक्रार केली होती.आयपीसीच्या कलम २९४ अन्वये पूनमवर गुन्हा दाखल करण्यात आला असून पोलिस अधिक तपास करत आहेत. तसंच पूनमसोबत तिचा हा व्हिडिओ शूट करणाऱ्या अज्ञात व्यक्तीविरोधात तक्रार दाखल करण्यात आली आहे. दरम्यान, पूनम पांडेच्या मॉडेल न्यूड फोटोशूटला परवानगी दिल्याबद्दल पोलिस निरीक्षकास निलंबित केल्याची माहिती आहे.
from Marathi Bollywood News, Marathi Cinema News https://ift.tt/2Ia3yQ9
