मुंबई टाइम्स टीम अभिनेत्री आपल्या वादग्रस्त वक्तव्यांमुळे नेहमी चर्चेत असते. अलीकडेच तिने आपल्या वडिलांच्या निधनानंतर एक फोटोशूट केलं होतं. हे फोटो तिनं सोशल मीडियावरदेखील शेअर केले होते. मात्र या फोटोंमुळेच ती वादाच्या भोवऱ्यात अडकली आहे. त्यावरुन दिव्यावर सध्या जोरदार टीका केली जात आहे. ते ऐकून ही अभिनेत्री शांत बसलेली नाही. उलट तिनंदेखील टीकाकारांना जोरदार प्रत्युत्तर दिलं आहे. लक्षवेधी बाब म्हणजे दिव्यानं स्वत:ची तुलना भारतीय क्रिकेटपटू विराट कोहलीशी करत ट्रोलर्सवर निशाणा साधला आहे. 'आपण अशा एका देशात राहतोय जिथे वडिलांच्या निधनानंतर खेळू शकतो. शिवाय त्याच्या खेळीचं कौतुकदेखील केलं जातं. पण मी वडिलांचं दु:ख विसरुन पुढे जाण्याचा प्रयत्न केला तर मात्र काही जणांना आवडत नाही. ते मला ट्रोल करतात. मी काय करावं अन् काय नाही हे माझे स्वत:चे निर्यण आहेत. मला तुमच्या सल्ल्याची गरज नाही. येत्या काळात मी रॉकेटच्या वेगानं पुढे जाणार आहे. तुम्ही मला थांबवू शकणार नाही.' अशा आशयाची इन्स्टाग्राम पोस्ट करत दिव्यानं ट्रोलर्सला जोरदार प्रत्युत्तर दिलं आहे. तिची ही पोस्ट सध्या सोशल मीडियावर सर्वांचेच लक्ष वेधून घेत आहे.
from Marathi Bollywood News, Marathi Cinema News https://ift.tt/2JICisL
