मुंबई- सुपरस्टार आपल्या फार्महाऊसवर निवांत क्षण घालवत आहेत. ते आपला बहुतांशी वेळ इथेच घालवतात. शेतात आणि गाई- म्हशींसोबत ते अनेक फोटो आणि व्हिडिओ शेअर करत असतात. धर्मेंद्र यांनी आपल्या ट्विटर अकाउंटवर एक व्हिडिओ शेअर केला आहे. यात ते आपल्या फार्महाऊसमध्ये कारमधून फेरफटका मारताना दिसत आहेत. यासोबतच ते गाई- म्हशींना चारा चरायला घेऊन जाताना दिसत आहेत. हा व्हिडिओ शेअर करताना त्यांनी लिहिले की, 'मित्रांनो, या मुक्या प्राण्यांकडून फक्त प्रेम आणि प्रेमच मिळतं. चांगलं गवत मिळणं ही त्यांच्यासाठी उत्तम मेजवानी आहे.. अशा ठिकाणीच मी त्यांना घेऊन जातो जिथे उत्तम गवत मिळेल. धर्मेंद्र यांनी याआधीही गुरांसोबतचे अनेक फोटो आणि व्हिडिओ शेअर केले आहेत. त्यांचं प्राण्यांवरचं प्रेम यातून स्पष्ट दिसून येतं. दरम्यान, धर्मेंद्र हे वर्षातले अनेक महिने त्यांच्या फार्महाऊसवरच असतात. ८४ वर्षीय धर्मेंद्र काही खास कार्यक्रम असेल तरच मुंबईला येतात. काम झाल्यानंतर ते पुन्हा पंजाबला जातात. धर्मेंद्र यांनी लॉकडाउनचा संपूर्ण काळ स्वत:च्या फार्महाऊसवरच घालवला होता. धर्मेंद्र यांचं हे फार्महाऊससुद्धा फास सुंदर आहे. फार्महाऊसच्या बाहेरचे आणि घरातले अनेक फोटो आणि व्हिडिओ ते वेळोवेळी सोशल मीडियावर शेअर करत असतात.
from Marathi Bollywood News, Marathi Cinema News https://ift.tt/35BIF9x
