मुंबई- भारतात राहत नसली तरी भारतातले सर्व सण आणि उत्सव ती आत्मीयतेने साजरे करते. नुकताच तिने करवाचौथ हा सणही अमेरिकेत साजरा केला. याचे काही फोटो निक आणि प्रियांकाने सोशल मीडियावर शेअर केले. यावेळी प्रियांकाने लाल साडी नेसली होती. फोटोच्या कॅप्शनमध्ये तिने निकसाठीचं तिच्या मनातलं प्रेमही दाखवलं. देसी गर्लने कॅलिफोर्नियामध्ये साजरा केला करवाचौथ प्रियांका चोप्रा कॅलिफोर्नियामध्ये राहते. प्रियांकाने तिच्या चाहत्यांना करवाचौथच्या शुभेच्छा दिल्या. यावेळी प्रियांकाच्या हातात सजलेलं चांदीचं ताट आहे. तर तिच्या मागे शिवाची मोठी मूर्ती आहे. या खासदिवशी ती पूर्णपणे भारतीय मुलगी झाली होती. निक जोनासनेही दिल्या करवाचौथच्या शुभेच्छा गेल्या वर्षी प्रियांका चोप्राने तिचा पहिला करवाचौथ साजरा केला होता. इतर भारतीय महिलांप्रमाणेच प्रियांकानेही आपल्या पतीसाठी दिवसभर उपवास ठेवला होता. अभिनेत्री परिणीती चोप्राने प्रियांकाला तिच्या पहिल्या करवाचौथला शुभेच्छा देताना प्रतिक्रिया दिली होती. यात तिने म्हटलं की, प्रियांका आयुष्यभर चांगला नवरा मिळावा यासाठी उपवास करत होती. अखेर तिला तो भेटला. यावर्षी निक जोनासनेही प्रियांकाचे फोटो सोशल मीडियावर शेअर करत चाहत्यांना करवाचौथच्या शुभेच्छा दिल्या. यासोबतच प्रियांकासारखी पत्नी मिळाल्याबद्दल त्याने स्वतःला नशिबवानही म्हटलं आहे.
from Marathi Bollywood News, Marathi Cinema News https://ift.tt/2TSu4QC
