मुंबई: अभिनेत्री आणि तिची बहीण यांना मुंबई हायकोर्टाने आज झालेल्या सुनावणीवेळी दिलासा दिला आहे. त्यांना सुनावणीच्या पुढील तारखेपर्यंत अटक किंवा कोणत्याही कठोर कारवाईपासून अंतरिम संरक्षण दिले आहे. मात्र, ८ जानेवारी २०२१ रोजी दोघींनी दुपारी १२ ते २ या वेळेत वांद्रे पोलिसांसमोर हजर राहावे, असे निर्देशही कोर्टाने दिले. वांद्रे न्यायदंडाधिकाऱ्यांच्या आदेशानुसार पोलिसांनी देशद्रोहाच्या आरोपाखाली दाखल केलेल्या एफआयआरविरोधात कंगना आणि रंगोली यांनी मुंबई हायकोर्टात याचिका दाखल केली होती. त्यावर आज दुपारी सुनावणी झाली. यावेळी कोर्टाने त्यांना अटकेपासून अंतरिम संरक्षण देत मोठा दिलासा दिला. मात्र, येत्या ८ जानेवारीला पोलिसांसमोर हजर व्हावे लागणार असल्याचे कोर्टाने सांगितले. दरम्यान, ८ जानेवारी रोजी कंगना आणि रंगोली या दोघी पोलिसांसमोर हजर होतील, अशी ग्वाही अॅड. सिद्दिकी यांनी दिल्यानंतर हायकोर्टाने तसे निर्देश दिले. या प्रकरणी पुढील सुनावणी ११ जानेवारी २०२१ रोजी होणार आहे. महत्वाचे: >> कंगना आणि रंगोली चंडेल यांना मुंबई हायकोर्टाने सुनावणीच्या पुढील तारखेपर्यंत अटक व कोणत्याही कठोर कारवाईपासून दिले अंतरिम संरक्षण >> कंगनासह रंगोलीला ८ जानेवारी २०२१ रोजी पोलिसांसमोर हजर व्हावे लागणार >> कंगना व रंगोली यांच्या विनंतीप्रमाणे तपास स्थगित करण्यास मुंबई हायकोर्टाने दिला नकार, तपास सुरूच ठेवण्याची पोलिसांना मुभा >> न्यायदंडाधिकाऱ्यांनी आदेश काढण्यापूर्वी कायदेशीर प्रक्रियेची पूर्तता झाली आहे की नाही, याची चाचपणीच केली नाही, म्हणून एफआयआर रद्द करण्याची विनंती अर्जाद्वारे केली- अॅड. रिझवान सिद्दिकी, कंगनाचे वकील >> कंगनाने याचिका करताना त्यात एफआयआरची प्रत पूर्णपणे सादर केलेली नाही. तसेच याचिकेची प्रत रात्री उशिरा दिली आणि सर्वोच्च न्यायालयाच्या काही निकालांच्या प्रतीही दिल्या. त्याला उत्तर देण्यासाठीही अवधी लागेल, तक्रारदार मुनव्वर अली यांच्यातर्फे अॅड. रिझवान मर्चंट यांची हायकोर्टात माहिती >> कंगना आणि रंगोलीला पोलिसांनी तीन वेळा समन्स बजावले, तरीही हजेरी नाही. त्याविषयी काय? हायकोर्टाची वकिलांना विचारणा >> दोघीही सध्या हिमाचल प्रदेशमध्ये आहेत, म्हणून पोलिसांसमोर हजर होऊ शकल्या नाहीत; कंगना व रंगोलीतर्फे अॅड. सिद्दिकी यांची हायकोर्टात माहिती >> टपालाने उत्तर पाठवून कायदेशीर प्रक्रिया पूर्ण होते का? तुम्हाला पोलिसांसमोर चौकशीसाठी हजर व्हावेच लागेल - हायकोर्ट >> आता तुम्ही पोलिसांसमोर कधी हजर होणार? तुम्हाला समन्सचा आदर करावा लागेल - हायकोर्टाची कंगना व रंगोलीला समज >> विवाह सोहळ्यानंतर त्यांना क्वारंटाइनही व्हावे लागेल, अजून महाराष्ट्रात आल्या नाहीत - सिद्दिकी यांची माहिती >> आता कधी येणार महाराष्ट्रात? समन्सविषयीची कायदेशीर कार्यवाही तुमच्या मनाप्रमाणे होणार का?, हायकोर्टाचा सवाल >> या प्रकरणात देशद्रोहाचे १२४-अ कलम कसे लावण्यात आले? शिवाय तुमच्या अशिलाने तक्रार दिल्यानंतर पोलिसांनी स्वत:हून एफआयआर दाखल करून घेतला नाही. न्यायदंडाधिकारी न्यायालयाने आदेश दिल्यानंतर पोलिसांनी एफआयआर नोंदवला, हायकोर्टाने तक्रारदार मुनव्वर अली यांच्या वकिलांच्या निदर्शनास आणून दिले >> पोलीस अशा प्रकरणात देशद्रोहाचे कलम कसे लावतात? तुम्ही पोलिसांना प्रशिक्षण द्यायला हवे, हायकोर्टाची मुख्य सरकारी वकील दीपक ठाकरे यांना सूचना >>देशद्रोहाच्या कलमासंदर्भात आता न्यायालयानेच कायदा घालून देण्याची वेळ आली आहे, अॅड. रिझवान मर्चंट यांचे मत
from Marathi Bollywood News, Marathi Cinema News https://ift.tt/33cvbiV
