मुंबई- कोविड - १९ विरुद्ध सुरू असलेल्या लढाईत स्वतःहून भाग घेणारी अभिनेत्री शिखा मल्होत्राला आला आहे. शिखाला जुहू येथील कूपर इस्पितळात दाखल करण्यात आलं आहे. तिच्या शरीराच्या उजव्या भागाला अर्धांगवायूचा झटका आला आहे. शिखाने परिचारिकेचं शिक्षणही घेतलं आहे. करोना काळात तिने स्वतःहून कूपर इस्पितळात रुग्णांची सेवा करायला पुढाकार घेतला होता. काही दिवसांपूर्वी शिखालाही करोनाची लागण झाली होती. १० डिसेंबर रोजी आला अर्धांगवायूचा झटका शाहरुख खानच्या 'फॅन' सिनेमात काम केलेल्या शिखाला १० डिसेंबरला अर्धांगवायूचा झटका आला होता. त्यानंतर तातडीने तिला इस्पितळात भरती करण्यात आलं. आता तिची प्रकृती स्थिर असल्याचं सांगितले जात आहे. असं असली तरी तिला नीट बोलता येत नाहीए. शिखाच्या पीआर मॅनेजरच्या म्हणण्यानुसार, अभिनेत्री करोना संसर्गातून बरी झाली होती. पण तिला आरोग्याशी निगडीत इतर समस्याही होत्या. या सर्वांमुळे गुरुवारी रात्री तिला अर्धांगवायूचा झटका आला. ऑक्टोबर महिन्यात शिखाला करोनाची लागण झाली होती.ॉ इस्पितळात भरती असलेला शिखाचा एक फोटो तिच्या अधिकृत अकाउंटवरून सोशल मीडियावर शेअर करण्यात आला. या फोटोच्या कॅप्शनमध्ये स्पष्ट लिहिले की, शिखाला अर्धांगवायूचा झटका आला असून चाहते आणि हितचिंतकांनी ती लवकरात लवकर यातून बरी व्हावी यासाठी प्रार्थना कराव्यात. शिखा मार्चपासून रुग्णांच्या सेवेमध्ये होती व्यग्र करोना व्हायरस आणि त्यामुळे करण्यात आलेल्या लॉकडाउनच्या काळात शिखा मल्होत्राने स्वतःहून तिच्या नर्सिंग डिग्री अंतर्गत रूग्णांची सेवा करण्याचा निर्णय घेतला होता. २ मार्चपासून जोगेश्वरी, मुंबई येथील हिंदू हृदयसम्राट बाळासाहेब ठाकरे ट्रॉमा केअर हॉस्पिटलच्या करोना आयसोलेशन वॉर्डमध्ये नर्सिंग ऑफिसर म्हणून ती काम करत होती.
from Marathi Bollywood News, Marathi Cinema News https://ift.tt/3mcDRgb
