मुंबई- काही दिवसांपूर्वीच ग्लोबल स्टार आणि यांनी त्यांच्या लग्नाचा दुसरा वाढदिवस साजरा केला. या दरम्यान दोघांनी लग्नाचे चाहत्यांनी कधीही न पाहिलेले फोटो शेअर केले होते. फक्त खास दिवशीच नाही तर दोघं अनेकदा एकमेकांसोबतचे फोटो आणि व्हिडिओ चाहत्यांसोबत शेअर करत असतात. मात्र काही दिवसांपूर्वी प्रियांका आणि निक यांच्यात असं काही घडलं की ज्याची तुम्ही कधी कल्पनाही केली नसेल. त्याचं झालं असं की एका मीडिया रिपोर्टनुसार प्रियांकाने निकला सर्वांसमोर गाडीतून धक्का मारत बाहेर काढलं. हे सुरुवातीला ऐकायला कितीही वेगळं वाटत असलं तरी हे खरं आहे. फक्त गाडीतून बाहेरच काढलं नाही तर त्याला शिवीगाळही केली. पण हे सगळं खासगी आयुष्यात नाही तर एका सिनेमातील सीनमध्ये केलं. प्रियांका सध्या लंडनमध्ये आहे. टेक्स्ट फॉर यू या तिच्या आगामी सिनेमाच्या चित्रीकरणात ती व्यग्र आहे. याच सिनेमात तिच्यासोबत निक जोनसही असणार आहे. सध्या प्रियांका आणि निक या सिनेमाच्या चित्रीकरणात व्यग्र आहेत. सुरुवातीला फक्त प्रियांकाच या सिनेमात काम करणार होती. मात्र आता निकचीही या टीममध्ये एण्ट्री झाली आहे. विशेष म्हणजे दोघं पहिल्यांदाच एकत्र काम करत आहेत. प्रियांका चोप्रा आणि निक जोनस टेक्स्ट फॉर यू सिनेमात एकत्र दिसणार आहेत आणि प्रियांका निकला गाडीतून ढकलते हाही या सिनेमाचा एक भाग आहे.
from Marathi Bollywood News, Marathi Cinema News https://ift.tt/3a647X2
