मुंबई: अभिनेता रितेश देशमुखचा आज वाढदिवस. वाढदिवसानिमित्त त्याच्यावर देशभरातून शुभेच्छांचा वर्षाव झाला. रितेशनं २००३ मध्ये ‘तुझे मेरी कसम’ या सिनेमातून बॉलिवूडमध्ये पदार्पण केलं होतं. या सिनेमात त्याच्यासोबत जेनेलिया डिसूझादेखील होती. रितेश आणि जेनेलियानं जवळपास १० वर्ष डेट केल्यानंतर राजेशाही थाटात लग्न केलं होतं. दोघांना दोन मुलं आहेत. जेनेलियानं यंदा रितेशला काय गिफ्ट दिलं याची चाहत्यांना उत्सुकता आहे. कारण, ४० व्या वाढदिवसाला जेनेलियानं रितेशला एक खास गिफ्ट दिलं होतं.'टेस्ला एक्स' ही कार देत तिने रितेशला त्याला सुखद धक्का दिला होता. आपल्या ४० वाढदिवसाला मिळालेली ही 'लय भारी' भेट पाहून त्यानं हा आनंद आपल्या चाहत्यांसोबत शेअर केला होता. 'ब्रँड न्यू' कारसोबत रितेशनं त्याचा फोटो सोशल मीडियावर टाकला होता. ‘४० वर्षाच्या बर्थडे बॉयला २० वर्षाचा असल्याची जाणीव कशी करून द्यायची, हे माझ्या बायकोला बरोबर माहित आहे. असं कॅप्शनही रितेशनं फोटोला दिलं होतं. करणार होते ब्रेकअप! रितेश आणि जेनेलिया बॉलिवूडमधील हॉट आणि क्यूट कपल्सपैकी एक आहेत.दोघं एकमेकांसोबतचे अनेक मजेशीर फोटो आणि व्हिडिओ सोशल मीडियावर शेअर करत असतात. कॉमेडी किंग कपिल शर्मा याच्या शोमध्येही दोघांनी हजेरी लावली होती. या शोममध्ये यांनी त्याच्या आयुष्यातील मजेशीर तसंच काही खास गोष्टी शेअर केल्या. खरं तर दोघांचं भांडण झाल्याचं कधी ऐकण्यात आलं नाही. पण लग्नापूर्वी जेनेलियासोबत ब्रेकअप झाला असता, असा खुलासा रितेशनं कपिलच्या शोमध्ये केला.
from Marathi Bollywood News, Marathi Cinema News https://ift.tt/2WlySz4
