मुंबई- जर तुम्ही बॉलिवूडमधील विनोदवीरांबद्दल चर्चा केली तर त्यात यांचं नाव आवर्जुन घेतलं जाईल. बॉलिवूडमध्ये असा कोणताच मेगा स्टार नसेल ज्याने जॉनी लीवर यांच्यासोबत काम केलं नसेल. जॉनी यांनी शाहरुख खानसोबत अनेक सुपरहिट सिनेमांमध्येही काम केलं आहे. अलीकडेच जॉनी लीवर यांनी 'बादशाह' सिनेमाच्या चित्रीकरणावेळी घडलेल्या घटनेला उजाळा दिला. एका न्यूज पोर्टलला दिलेल्या मुलाखतीत जॉनी लीवर म्हणाले की, 'एक काळ असा होता की जेव्हा त्यांच्या खासगी आयुष्यात अनेक अडचणी होत्या. पण तरीही ते सिनेमांमध्ये एकाहून एक सरस विनोदी दृष्य चित्रीत करत होते. याबद्दल बोलताना जॉनी यांनी सांगितलं की त्यांच्या वडिलांचं ऑपरेशन करायचं होतं पण ते सिनेमांमध्ये खूप व्यग्र होते. असं असलं तरी जॉनी यांनी कधीही आपल्या वैयक्तिक अडचणींचा त्यांच्या कामावर परिणाम होऊ दिला नाही. तसंच आपल्या समस्याही कोणालाही सांगितल्या नाहीत. जॉनी यांनी सांगितलं की शाहरुखला त्यांच्या वडिलांच्या तब्येतीविषयी कुठून तरी कळालं. जॉनी यांना याबद्दल फारसं बोलायचं नव्हतं. तरी शाहरुखने त्यांना कोणत्याही प्रकारची मदत हवी का ते विचारलं. यानेही जॉनी लीवरचे कौतुक केलं आहे. एका मुलाखतीत शाहरुख म्हणाला की, फार कमी लोकांना माहीत आहे की जॉनी वैयक्तिक आयुष्यात फार गंभीर माणूस आहे. ते गरजूंना मदत करण्यासाठी नेहमीच तयार असतात.
from Marathi Bollywood News, Marathi Cinema News https://ift.tt/3orYhmP
