मुंबई: कृषी कायद्याविरोधात सुरू असलेल्या शेतकरी आंदोलनामुळे सध्या दोन गट पडल्याचं पाहायला मिळत आहे. बॉलिवूडमधील काही कलाकारांनी या आंदोलनाला पाठिंबा दिलाय तर काहिंनी या शेतकरी आंदोलनाचा विरोध केलाय. या आंदोलनावरून कलाकार दिलजीत दोसांझ आणि अभिनेत्री कंगना राणावत यांच्यातील वादाने सोशल मीडियावर जोरदार चर्चा रंगली. आता या वादात प्रियांका चोप्रानं देखील उडी घेतली आहे. शेतकरी आंदोलनाला पाठिंबा दिल्यामुळं प्रियांका सध्या सोशल मीडियावर ट्रोल होतेय. प्रियांका सध्या पती निक जोनससोबत अमेरिकेत राहत असली तरी, भारतात होणाऱ्या घटनांवर ती वेळोवेळी व्यक्त होत असते. फूड आर्मी असं म्हणत तिनं शेतकरी आंदोलनाला पाठिंबा दिला आहे. यासंदर्भात तिनं एक ट्विट केलं आहे. हे ट्विट केल्यानंतर ती सोशल मीडियावर प्रचंड ट्रोल झाली आहे. कृषी कायद्याचं काहीही ज्ञान नसताना ट्विट केलं असं म्हणत शेतकरी आंदोलनाला विरोध करणाऱ्यांनी हिला ट्रोल केलं आहे. आपल्याला माहिती नसलेल्या मुद्दांवर उगाचच ट्विट करत वाद निर्माण करण्याचा प्रयत्न करू नये, असा टोला तिला नेटकऱ्यांनी लगावला आहे.
from Marathi Bollywood News, Marathi Cinema News https://ift.tt/3lUfwv9
