मुंबई: अभिनेता सुशांतसिंह राजपूतच्या मृत्यूनंतर बॉलिवूडच्या ड्रग्ज कनेक्शनची चौकशी करणारे एनसीबीचे (नार्कोटिक्स कंट्रोल ब्युरो) अधिकारी चर्चेत आहे. मराठी सिनेसृष्टीतील अभिनेत्री क्रांती रेडकरचे पती असलेल्या समीर वानखेडेंबद्दल जाणून घेण्याची क्रांतीच्या चाहत्यांना उत्सुकता असते. लग्नानंतरही क्रांतीनं त्यांच्यासोबतचे फोटो सोशल मीडियावर शेअर केले नव्हते. पण आता त्यांच्या वाढदिवसानिमित्त क्रांती आणि समीर पहिल्यांदाच एकत्र दिसले. क्रांतीनं दोघांचा एकत्र असा खास व्हिडिओ शेअर केला आहे. वाचा: क्रांतीनं समीर यांच्यासाठी एक खास पोस्ट शेअर केली आहे. 'माझ्या विश्वाचं केंद्रस्थान असलेल्या या खास व्यक्तीला वाढदिवसाच्या खूप खूप शुभेच्छा! या व्यक्तीवर मी सर्वात जास्त प्रेम करते, त्याचा आदर करते. तुझ्याबद्दल मला नेमकं काय वाटतं? हे सांगण्यासाठी शब्द कमी पडतात. तू माझ्या आयुष्यात आला त्याबद्दल मी देवाचे आभार मानते. नेहमी आनंदी राहा. तुझं जगण्याचं कारण, जिद्द आणि तुझी मुल्ये ही तुझी खरी ताकद आहे, त्यासाठी तुला सलाम', असं म्हणत क्रांतीनं तिच्या भावना व्यक्त केल्या आहेत. काही दिवसांपूर्वी क्रांतीनं समीर यांचा प्रचंड अभिमान वाटतो, असं सांगितलं होतं. ते प्रथम देशाचे आहेत मग आमचे,असंही क्रांती म्हणाली होती. इतकंच नव्हे तर त्यांची काळजी वाटते पण त्यांना पूर्ण पाठिंबा असून कोणत्याही परिस्थीतीत त्यांना सहकार्य करण्याची तयारी असल्याचंही क्रांती म्हणते. कोणत आहेत समीर वानखेडे?समीर वानखेडे हे महसूल गुप्तचर संचालनालयाच्या (डीआरआय) मुंबई क्षेत्रीय युनिटमधील सहसंचालक आहेत. मुंबईला अंमली पदार्थ पुरविणाऱ्या कैलाश टोळीचा माग त्यांनीच काढला होता. कैलाश राजपूतशी निगडित हस्तकांना त्यांनी मागील वर्षभरात तीन वेळा मोठ्या कारवाईद्वारे अटक केली आहे. या टोळीचे पंख कापण्याचे काम ते करीत आहेत. त्याखेरीज नागपूर परिसरातही त्यांनी अलिकडंच ९५ लाख रुपये किमतीचा ६३७ किलो साठा जप्त केला. अफगाणिस्तानहून येणारे १९३ हेरॉइन अलिकडंच न्हावाशेवा इथं पकडण्यात आलं होतं. या मोठ्या कारवाईचं नेतृत्वही समीर वानखेडे यांच्याकडंच होतं.
from Marathi Bollywood News, Marathi Cinema News https://ift.tt/3acbHj1
