मुंबई- टीव्हीचा सर्वात प्रसिद्ध रिअॅलिटी शो 'बिग बॉस १४' मध्ये सध्या बरच काही घडत आहे. नव्या स्पर्धकांच्या एण्ट्रीपासून ते घरातून बाहेर जाण्यापर्यंत सर्व गोष्टींची चर्चा होताना दिसत आहे. पण या सगळ्या पार्श्वभूमीवर चॅलेन्जर म्हणून आलेल्या राखी सावंतने या शोमध्ये एक वेगळीच बाजू दाखवली आहे. शोमुळे राखीचं खासगी आयुष्य पुन्हा एकदा चर्चेत आलं आहे. अलीकडेच राखीच्या पतीने रितेशने बिग बॉसच्या घरात प्रवेश करण्या संबंधी इच्छा व्यक्त केली होती. एका मुलाखतीत रितेशने सांगितलं की, राखीला त्याच्या पाठिंब्याची गरज आहे असं त्याला वाटतं, म्हणूनच तो 'बिग बॉस'च्या घरात जाण्यास तयार आहे. जेव्हापासून राखीचं रितेशशी लग्न झालं तेव्हापासूनच त्याच्याबद्दल जाणून घेण्याची अनेकांची उत्सुकता आहे.. आज आपण त्याच्याबद्दल जाणून घेऊ... १. राखी सावंतच्या नवऱ्याचं नाव काय आहे? राखी सावंतच्या नवऱ्याचं नाव रितेश आहे. २. राखी सावंतने किती वेळा लग्न केल? नोव्हेंबर २०१८ मध्ये राखीने दिपक कलालशी लग्न करणार असल्याची घोषणा केली होती. पण डिसेंबरमध्ये तिने लग्न मोडलं. यानंतर, २०१९ मध्ये तिने लग्नाचे फोटो सोशल मीडियावर शेअर केले आणि रितेश नावाच्या व्यक्तिशी लग्न केल्याची घोषणा केली. ३. रितेश काय करतो? राखी सावंतने तिचा नवरा कसा दिसतो किंवा तो कोण आहे हे कोणालाच सांगितलं नाही. त्याला जगासमोर अजून आणलंं नाही. पण मिळालेल्या माहितीनुसार रितेश एक एनआरआय असून त्याचा स्वतःचा व्यवसाय आहे. रितेश ब्रिटनमध्ये राहत असल्याचंही वृत्त आहे. ४. राखी सावंत याच्या पती रितेशची किती संपत्ती आहे? राखी सावंत याच्या पतीने स्वत:ची ९ अब्ज डॉलर्सची मालकी घोषित केली आहे. त्याने यासंबंधी एका मुलाखतीत खुलासा केला होता. ५. राखी सावंतने लोकप्रियतेसाठी लग्न केलं का? स्वतः राखीने रितेशसंबंधी अनेक विधानं केली आहेत. तर रितेशही माध्यमांसमोर न येता त्याचं राखीवर प्रेम असल्याचं मान्य केलं आहे. तसंच दोघांचंही कुटुंब या लग्नामुळे आनंदित असल्याचंही म्हटलं आहे. राखीनेही एकदा रितेश अगदी साधा व्यक्ती असून त्याला प्रसारमाध्यमांपासून दूर राहायलाच जास्त आवडत असल्याचं सांगितलं होतं. ६. राखी सावंत आई होणार आहे का? २१ नोव्हेंबर २०२० पर्यंत राखी सावंत गरोदर असल्याबद्दल कोणतीही बातमी समोर आली नाही. मात्र, राखीने तिला आई होण्याची इच्छा असल्याचं सांगितलं आहे. तिचा नवरा रितेशनेही एका मुलाखतीत सांगितलं होतं की तो राखीचा खूप आदर करतो आणि दोघं लवकरच फॅमिली प्लॅनिंग करणार आहोत. ७. राखी सावंतचा नवरा रितेश बिग बॉसमध्ये प्रवेश करणार का? रितेशने एका मुलाखतीत स्पष्ट केलं की गरज भासल्यास तो बिग बॉसमध्ये राखीला पाठिंबा देण्यासाठी जातील. राखीने असंही म्हटलं आहे की बिग बॉस १४ मधील तिच्या संपूर्ण प्रवासादरम्यान ती तिच्या वैयक्तिक आयुष्याशी संबंधित सर्व प्रश्नांची हळूहळू उत्तर देणार आहे. अशा परिस्थितीत रितेश लवकरच जगासमोर येईल अशी आशा आहे.
from Marathi Bollywood News, Marathi Cinema News https://ift.tt/38uV1Ay
