मुंबई- हृतिक रोशन आणि टायगर श्रॉफचा ब्लॉकबस्टर 'वॉर' सिनेमाचा दिग्दर्शक यांच्या आयुष्यात एक नवं वादळ आलं आहं. सध्या सिद्धार्थ त्याच्या आगामी 'पठाण' सिनेमाच्या चित्रीकरणात व्यग्र असताना त्याला एका विचित्र समस्येला तोंड द्यावं लागत आहे. सिद्धार्थला मुलासाठी आता न्यायालयाची पायरी चढावी लागत आहे. या मुलाला गेल्या वर्षी सिद्धार्थने दत्तक घेतलं होतं. पण आता त्याची खरी आई परत आली आहे. गेल्या वर्षी सप्टेंबरमध्ये मुंबई पोलिसांना बोरिवली रेल्वे स्थानकात मानसिकदृष्ट्या आजारी असलेली एक महिला आपल्या बाळाला दूध पाजताना दिसली. पोलिसांनी मुलाची सखोल चौकशी केली असता मुलाच्या शरीरावर जखमांचे व्रण दिसले होते. यानंतर पोलिसांनी मुलाला बाल कल्याण समितीकडे सोपवले आणि मानसिकदृष्ट्या आजारी असलेल्या महिलेला कर्जतच्या श्रद्धा पुनर्वसन फाऊंडेशनमध्ये उपचारासाठी दाखल केले. आईवर उपचार सुरू असताना, बालकल्याण समितीने कुटुंब सेवा केंद्राच्या मदतीने मुलाला अनाथ मानले आणि त्याला अनाथ आश्रमात पाठवलं. त्या आश्रमातून सिद्धार्थने मुलाला दत्तक घेतलं. यानंतर ते बाळ आणि सिद्धार्थ एकमेकांसोबत सतत राहतात. सिद्धार्थ भावनिकरित्या मुलामध्ये गुंतला गेला होता. पण अचानक एक दिवस मुलाची खरी आई परतली. पुनर्वसन केंद्राने कुटुंब सेवा केंद्राला महिला ठिक झाल्याचं प्रमाणपत्रही दिलं. आता बाल कल्याण समितीने मुलाची आणि महिलेची डीएनए चाचणी करण्यास सांगितलं. जेजे इस्पितळात ही चाचणी करण्यात आली. यानंतर ते मुल हे त्या महिलेचं असल्याचं सिद्ध झालं आहे. आता हे प्रकरण पोलिसांपर्यंत पोहोचले आहे. या प्रकरणात सिद्धार्थ आनंद त्याची ओळख वापरण्याचा प्रयत्न करीत आहेत. या संदर्भात तो काही लोकांसह बालकल्याण समिती कार्यालयात गेला. मात्र समितीने त्याला सांगितलं की, मुलाच्या आईला आपला मुलगा परत मागण्याचा पूर्ण अधिकार आहे. कारण ती आता पूर्णपणे ठीक झाली आहे. बालकल्याण समितीने पोलिसांनाही या संदर्भात पावलं उचलण्याचा सल्ला दिला आहे. असं म्हटलं जातं की पोलिसांनीही समितीची आज्ञा मानून मुलाला आशा सदन आश्रमात पाठवलं होतं. पण त्याच रात्री पोलिसांनी पुन्हा अनाथाश्रमात जाऊन मुलाला सिद्धार्थच्या स्वाधीन केलं. सध्या मुलगा सिद्धार्थ सोबत राहत आहे. यासंदर्भात पोलिसांनी काहीही बोलण्याचं टाळलं आहे. मुलाच्या खऱ्या आईला मुलाचा अधिकार आपल्याकडेच रहावा अशी इच्छा आहे. सिद्धार्थने ममता भाटियाशी लग्न केलं आहे. दोघांना रणवीर नावाचा एक मुलगाही आहे. याबाबत सिद्धार्थ आनंद याच्याशी संपर्क साधण्याचा प्रयत्न केला असता त्यांनी यावर कोणतीही प्रतिक्रिया दिलेली नाही.
from Marathi Bollywood News, Marathi Cinema News https://ift.tt/37J4oMM
