मुंबई: हिंदी मालिकांमध्ये प्रसिद्ध असेला अभिनेता दुसऱ्यांदा बाबा झालाय.ही गोड बातमी सोशल मीडियाद्वारे त्यानं चाहत्यांसोबत शेअर केली आहे. एक खास व्हिडिओ शेअर करत त्यानं त्याच्या आयुष्यातील गोड क्षण चाहत्यांसोबत शेअर केले आहेत. करणवीरची पत्नी टीजे सिधू हिनं नुकताच कॅनडात तिसऱ्या मुलीला जन्म दिला. या तीन मुली म्हणजे लक्ष्मी, सरस्वती आणि पार्वती असल्याचं करणवीरनं त्याच्या पोस्टमध्ये मध्ये म्हटलं आहे. तीन लेकींचा बाबा झाल्याचा आनंद करणवीरनं व्यक्त केला आहे. बर्थडेच्या दिवशी शेअर केली होता 'गुडन्यूज'करिना आणि सैफ , अनुष्का आणि विराट यांनी गुडन्यूज दिल्यानंतर करणवीरनं देखील तो पुन्हा बाबा होणार असल्याचं चाहत्यांना सांगितलं होतं. त्याच्या बर्थडेच्या दिवशी ही गुडन्यूज त्यानं शेअर केली होती. मुलं जगात येण्यासाठी आपली निवड करतात. हे सर्वकाही देवाच्या हातात असतं. खरं तर तोच एक महान निर्माता आहे. सर्व काही त्याच्या कल्पकतेनं घडवतो. आपण केवळ त्याच्या आशिर्वादाची वाट पाहत असतो. देवानं हे खास सरप्राइज दिल्याबद्दल त्याचे खूप खूप आभार. हे सर्वात सुंदर बर्थडे गिफ्ट आहे, असं करणवीरनं म्हटलं होतं. २००६मध्ये करणवीर आणि तीजे यांचं लग्न झालं होतं. त्यानंतर २०१६मध्ये त्यांनी दोन जुळ्या मुलींना जन्म दिला. बेला आणि व्हिएना अशी त्यांची नावं आहेत.
from Marathi Bollywood News, Marathi Cinema News https://ift.tt/38mCc2H
