मुंबई- प्रसिद्ध अभिनेते यांना करोनाची लागण झाली आहे. याचमुळे मुंबईत होणाऱ्या एका लग्नाची पुढची गोष्ट या नाटकाचा रिओपनिंगचा प्रयोग रद्द करण्यात आला आहे. यासोबत ६१ वर्षीय प्रशांत दामले यांना डॉक्टरांनी किमान सात दिवस आयसोलेशनमध्ये राहण्याच्या सुचना दिल्या आहेत. लॉकडाउननंतर पहिल्यांदाच 'एका लग्नाची पुढची गोष्ट' या प्रशांत दामले यांच्या नाटकाचा प्रयोग १२ डिसेंबरला पुण्यात झाला होता. पुण्याचा प्रयोग संपल्यानंतर मुंबईत आल्यावर त्यांना थोडीशी कणकण जाणवत होती. यानंतर त्यांनी चाचणी केली असता. त्यांचा करोना रिपोर्ट पॉझिटिव्ह आला. यानंतर डॉक्टरांनी त्यांना सात दिवसांचं आयसोलेशनमध्ये राहण्याचा सल्ला दिला. फेसबुकवर प्रशांत दामले यांनी एक व्हिडिओ शेअर करून यासंबंधीची सविस्तर माहिती दिली. बुधवारपासून आयसोलेशनमध्ये असल्यामुळे बोरिवली आणि गडकरी नाट्यगृहात होणारे प्रयोग रद्द करावे लागणार आहे. प्रशांत दामले यांच्यासोबत काम करणारे सह-कलाकार निरोगी असल्याचंही दामले यांनी त्यांच्या व्हिडिओमध्ये सांगितलं. दरम्यान, जवळपास आठ महिन्यांनी नाट्यगृह सुरू झाली होती. या पार्श्वभूमीवर प्रशांत दामले आणि अभिनेत्री यांनी स्वतः नाट्यगृहांमध्ये जाऊन काही काळ तिकीट विक्री केली आणि तयारीचा आढावा घेतला होता. इतकंच नाही तर अभिनेते प्रशांत दामले व किशोरी लाड यांनी स्वतः प्रेक्षकांचे स्वागत करत पहिल्या पाच रसिकांना तिकीटं दिली होती. काही दिवसांपूर्वी प्रसिद्ध अभिनेता सुबोध भावे आणि त्याची पत्नी मंजिरी आणि मोठा मुलगा कान्हा या दोघांनाही करोनाची लागण झाली होती. योग्य उपचारांनी भावे कुटुंब या विळख्यातून बाहेर आले. तसेच सिनेअभिनेत्री दिपाली सय्यदला करोनाची सुरुवातीची लक्षणं जाणवतं होती. म्हणून तिनेही चाचणी करून घेतली होती. मात्र तिला व्हायरल फिवर असल्याचं डॉक्टरांनी सांगितलं होतं.
from Marathi Bollywood News, Marathi Cinema News https://ift.tt/2LFsNLK
