मुंबई- आदित्य नारायणने श्वेता अग्रवालशी काही दिवसांपूर्वी लग्न केलं. श्वेताचा लग्नानंतरच्या विधीचा एक व्हिडिओ समोर आला आहे. यात श्वेता आदित्यच्या आईसोबत स्वयंपाकघरात खीर तयार करताना दिसत आहे. तर आदित्यही तिथे उभा राहून दोघींचा व्हिडिओ काढत आहे. दरम्यान, आदित्य श्वेताला मजेत माहेरी जाण्यास सांगतो. आदित्यच्या या बोलण्यावर श्वेताही जशास तसं उत्तर देते. सासर आणि माहेर या दोन शब्दात गोंधळून गेला श्वेता तिची सासू दीपासोबत खीर बनवताना दिसत आहे. दरम्यान, आदित्य येतो आणि बोलतो की खीर करण्यात कोणतीही कमतरता राहता कामा नये. नाही तर आपल्या 'सासरी' जा. आदित्यचं बोलणं ऐकून तिथे उपस्थित सारेच हसायला लागतात. तेव्हा श्वेताही विचारते की आदित्य नक्की काय बोलला. यावर तिथे उपस्थित श्वेताला सांगतात की आदित्य तुला सासरी जायला सांगत आहे. नेमकी याच शब्दावरून श्वेता त्याची खिल्ली उडवते आणि म्हणते की हे सासरच आहे. गेल्या वर्षापासून करत होता लग्नाच्या प्रपोजचा विचार आदित्य नारायणने श्वेताशी १ डिसेंबर २०२० रोजी मंदिरात लग्न केलं. यानंतर २ डिसेंबर रोजी त्याने एका हॉटेलमध्ये रिसेप्शनही ठेवलं होतं. आदित्य आणि श्वेता जवळपास ११ वर्षांपासून एकमेकांना ओळखतात. दोघांनी 'शापित' सिनेमात एकत्र काम केलं होतं. आदित्यने गेल्या वर्षी डिसेंबरमध्येच प्रपोज करण्यासाठी अंगठी घेतली होती. मार्चमध्ये तो श्वेताला आउटडोर लोकेशन्सवर प्रपोज करणार होता, पण करोनामुळे त्याचा हा प्लॅन फसला. मग अनलॉकच्या प्रक्रियेनंतर त्याने लग्नच केलं.
from Marathi Bollywood News, Marathi Cinema News https://ift.tt/2VTR5DO
