म. टा. प्रतिनिधी, मुंबई करोनाचे भीषण वातावरण, निरव शांतता आणि करोनामुळे होणारे मृत्यू, करोनाच्या तडाख्यात सापडलेले माझे कुटुंब हे सर्व मी अगदी जवळून पाहिले आणि अनुभवले आहे. मी न्यूयॉर्कमधून मुंबईत एअरपोर्टला पोहोचलो, तेथून घरी येताना रस्त्यावर नेहमीच्या गाड्यांचे आवाज, माणसे मला आढळली नाहीत, फक्त स्मशानशांतता दिसून आली. मला काळात मृत्यूचे भय जाणवले. बाहेरच्या वातावरणात पक्षी व प्राणी मुक्त संचार करीत होते तर माणसे घरात लॉक ( पिंजऱ्यात) झाल्याचे भयाण वास्तव बघायला मिळाले, हे अनुभवाचे बोल आहेत हिंदी अभिनेते यांचे. करोनाच्या भारतातील शिरकावापासून आता करोना नियंत्रणात येईपर्यंतच्या कालखंडावर अनुपम खेर यांनी 'युवर बेस्ट डे इज टुडे' हे पुस्तक लिहिले आहे. त्याची सविस्तर माहिती गुरूवारी पालिका मुख्यालयात पत्रकारांशी बोलताना दिली. करोनाने आपल्यावर, कुटुंबियांवर आणि एकूणच मुंबईकरांवर कसा भीषण आघात केला, त्याचे कसे व किती विघातक परिणाम जनजीवनावर झाले, त्यातून नागरिकांना व स्वतःला काय अडचणी आल्या व त्यावर आपण कशी मात केली, करोनामुळे ताणतणाव कसा वाढला आहे, याची माहिती खेर यांनी दिली. न्यूयॉर्कवरून मुंबईत एअरपोर्टला उतरलो आणि जुहू येथील घरी निघालो तेव्हा रस्त्यावर माणसे काय चिटपाखरूही दिसले नाही. एखाद्या चित्रपटातील तो प्रसंग वाटत होता. नंतर माझी आई, भाऊ, वहिनीला करोनाची लागण झाली. आईला कोकिळाबेन रुग्णालयात उपचारासाठी दाखल केले होते. त्यावेळी मला करोनाची भीषणता अनुभवायला मिळाली. पालिका आयुक्त इक्बालसिंह चहल व त्यांच्या टीमने करोनावर नियंत्रण मिळविण्यासाठी केलेल्या उपाययोजना, मुंबईतील पोलिस, डॉक्टर, सफाई कामगार, आरोग्य यंत्रणा हे खरे करोनायोद्धा असून त्यांनी आपली भूमिका चोख बजावल्याचे कौतुक खेर यांनी केले. खेर यांनी काढला कोकिळेचा आवाजचार महिने घरात बसून हे पुस्तक लिहिले. या काळात पक्षी, प्राणी हे मुक्त संचार करताना तर माणसांनी स्वतःला सुरक्षिततेसाठी घरात लॉक करून घेतल्याचे आढळून आले. माझ्या घराबाहेर मला करोना कालावधीत खूप दिवसांनी पक्ष्यांचा किलबिलाट ऐकायला मिळाला होता. त्यावरून मी करोनारुपी काळ्या ढगांच्या मागून एक 'सिल्वर लाईन' शोधली आणि मग पुस्तक लिहिण्याचा निर्णय घेतला, असे खेर यांनी सांगितले. माझे हे पुस्तक ज्यांना नैराश्य आले आहे त्यांना स्फूर्ती देईल, असा दावाही त्यांनी यावेळी केला. त्यांनी यावेळी कोकिळेचा आवाजही काढून दाखवला.
from Marathi Bollywood News, Marathi Cinema News https://ift.tt/3oDm03u
