मुंबई: आजही तसाच आहे असं तुम्ही-आम्ही म्हणतच असतो. एका जुन्या जाणत्या, साठी पार केलेल्या अभिनेत्यामध्ये नव्यानं आलेल्या पंचवीस-तीस वर्षं वयाच्या हिरोंनाही मागं टाकण्याची किती ताकद आहे, हे त्यांनी अकेदा दाखवूनही दिलं आहे. त्यांचे वर्कआउट करतानाचे अनेक फोटो व्हायरलही झाले आहेत. त्यांच्या या तरुणपणावर अनेकदा मिम्स देखील व्हायरल झाले आहेत. असेच काही मिम्स काही महिन्यांपूर्वी व्हायरल झाले होते. आणि सैफचा मुलगा तैमूरसोबत ते चित्रपटात झळकतील असं हे मिम्स सोशल मीडियावर प्रचंड गाजलं होतं. खुद्द अनिल कपूर यांनी देखील या मीमवर प्रतिक्रिया दिली होती.काही महिन्यांपूर्वी आदित्य रॉय कपूर, कुणाल खेमू, दिशा पाटणी आणि अनिल कपूर यांचा 'मलंग' हा चित्रपट प्रदर्शिक झाला होता. या चित्रपटाच्या प्रमोशनदरम्यानचा एक फोटो चर्चेत आला होता. त्यात काळ्या रंगाची जीन्स आणि टी-शर्ट तसेच त्यावर गुलाबी रंगाचे फ्लोरोसंट बूट घातलेले अनिल कपूर यांचं वय ६२ नाही, तर २६ वाटत असल्याचं लिहिलेला एक मीम व्हायरल झाला होता. त्याहीपेक्षा अनिल कपूर आणि अली खान लवकरच म्हणजेच, २०४५ मध्ये ‘गुंडे’ या चित्रपटाच्या सिक्वेलमध्ये दिसणार असं लिहिलेला मीम सगळ्यात लोकप्रिय झाला होता. काही वर्षांनी अनिल कपूर सोनमच्या मुलाची भूमिकाही करतील असंही एका चाहत्यानं लिहिलं होतं. या मीमचं इतकं पीक आलं होतं, की शेवटी अनिल कपूर यांनीही त्यांची दखल घेतली होती. ‘लम्हे’ आणि ‘दिल धडकने दो’ या दोन्ही चित्रपटांमधला त्यांचा लुक शेअर करत ‘तुमच्या प्रेमासाठी आणि मीम्ससाठी धन्यवाद. सगळेच खास आहेत, विशेषतः माझा आणि तैमुरचा मीम भारी आहे. गेली ३५ वर्षं मी भूमिकेप्रमाणे वयाला मागं टाकण्याचा आणि माझे दिग्दर्शक तसंच लेखकांच्या इच्छा पूर्ण करण्याचा प्रयत्न करतोय. चांगलं बनण्याची प्रक्रिया तुम्ही स्वतः थांबवली, तरच थांबते असं मला वाटतं आणि इतक्या लवकर थांबण्याचा माझा तरी विचार नाही.’ असं अनिल कपूर यांनी म्हटलं होतं.
from Marathi Bollywood News, Marathi Cinema News https://ift.tt/3rsGP3G