मुंबई: व्हारसच्या नवीन प्रकारामुळं हादरलं आहे. नाताळ आणि नवीन वर्षाच्या पार्श्वभूमीवर ब्रिटनमध्ये कडक निर्बंध लावण्यात आले आहेत. ब्रिटनमध्ये करोनाचा नवीन प्रकार आढळल्याच्या पार्श्वभूमीवर विविध देशांनी ब्रिटनमधून येणाऱ्या विमानांवर बंदी घातली आहे. यामुळं शूटिंगच्या निमित्तानं लंडनमध्ये गेलेल अनेक सेलिब्रिटी तिथं अडकले असल्याची माहिती समोर येत आहे. तर, काही सेलिब्रिटी सुखरुप मायदेशी परतले आहेत. अभिनेत्री तिच्या आगामी हॉलिवूड चित्रपटाच्या शूटिंगसाठी लंडनला गेली होती. तसंच अभिनेता आफताब शिदासानी देखील लंडनमध्ये परदेशात अडकला आहे. मराठी मनोरंजनविश्वातील काही कलाकार सिनेमाच्या चित्रीकरणासाठी काही आठवड्यांपूर्वी तिथंच होते. पण, त्यांना या विषाणूचा सामना करावा लागला नसून ते नुकतेच भारतात परतले आहेत. लोकेश गुप्ते दिग्दर्शित '' या चित्रपटाच्या शूटिंगसाठी सोनाली कुलकर्णी, रिंकू राजगुरू, संतोष जुवेकर आणि हेमंत ढोमे या कलाकारांसह सिनेमातील तंत्रज्ञ मंडळी लंडनमध्ये होती. 'आम्ही तिथे पोहोचलो तेव्हा लॉकडाउन सुरू होता. पण, नंतर अनलॉक झाल्यानंतर आम्हाला चित्रीकरणासाठी परवानगी मिळाली होती. काही गोष्टींवर निर्बंध होते. एका ठिकाणी पाच जणांपेक्षा जास्त जणांचा घोळका असू नये, हा नियम आम्ही तंतोतंत पाळला. सगळ्या गोष्टींची दक्षता घेतली. आम्ही एकूण २०-२५ जण होतो. या चित्रीकरणादरम्यान टीममधला एकही आजारी पडला नाही किंवा कोणतीही अडचण आली नाही. १६ डिसेंबरला आम्ही सगळे भारतात परत आलो आणि १८ डिसेंबरला तिथे पुन्हा लॉकडाउन सुरू झाला. आम्ही आमचं कामं सर्व नियमांचं पालन करून चांगल्यारितीनं पूर्ण केल्याचं समाधान आहे. या समाधानानं आम्ही सुखरूप आपल्या मायदेशी, आपल्या घरी परतलो याचाच आनंद आहे', असं चित्रपटाचा दिग्दर्शक लोकेश गुप्तेनं सांगितलं. 'डेट भेट' या चित्रपटाचं चित्रीकरण पूर्ण झालं असून तो पुढच्या वर्षी प्रदर्शित होणार असल्याचं लोकेशनं सांगितलं. लॉकडाउन आणि काही निर्बंधांमध्ये समाधानानं काम होणं ही आनंदाची बाब असल्याचंही तो सांगतो. या चित्रपटातील कलाकारांची फळी बघता चित्रपटाबद्दल प्रेक्षकांमध्ये उत्सुकता आहे.
from Marathi Bollywood News, Marathi Cinema News https://ift.tt/37J92vi