मुंबई- बॉलिवूड अभिनेता वरुण धवन आणि नताशा दलाल यांच्या लग्नानंतर आता हॉट कपल आणि यांच्या लग्नाचे वेध चाहत्यांना लागले आहेत. वरुण- नताशाचा सप्तपदी घेतानाचा एक फोटो इन्स्टाग्राममवर शेअर केला. रणबीर- आलियाच्या चाहत्यांनी त्याच फोटोत बदल करत तिथे दोघांचा फोटो लावला आहे. हा फोटो शेअर केलेल्या यूझरने कॅप्शनमध्ये लिहिले की, 'आम्हाला प्रत्यक्षात हे कधी पाहायला मिळेल. या बेकार एडिटिंगसाठी आधीच माफी मागतो.' दरम्यान, आलिया आणि रणबीर गेल्या काही वर्षांपासून एकमेकांना डेट करत आहेत. आलियाला रणबीर फार आधीपासूनच आवडायचा. तिने अनेक मुलाखतीत यासंबंधी सांगितलं होतं. आता रणबीरही तिच्यावर जीव ओवाळून टाकतो हे त्याने मान्य केलं आहे. कधी लग्न करणार ? दोघांना एका मुलाखतीत लग्न कधी करणार याबद्दल प्रश्न विचारण्यात आला होता. यावर बोलताना रणबीर म्हणाला होता की, गेल्या वर्षी कोविडमुळे त्यांचं लग्न होऊ शकलं नाही. यावरूनच यंदाच्या वर्षात दोघं लग्न करतील अशी आशा चाहत्यांना आहे. याशिवाय रणबीरसाठी २०२० हे वर्ष फार वाईटही होतं. गेल्या वर्षी त्याचे वडील आणि ज्येष्ठ अभिनेते ऋषी कपूर यांचं निधन झालं होतं. लवकरच एकत्र दिसतील आलिया- रणबीर चाहत्यांना जेवढी प्रतीक्षा त्यांच्या लग्नाची आहे, तेवढीच किंबहूना त्याहून जास्त प्रतीक्षा त्यांच्या आगामी सिनेमाची आहे. २०१९ मध्ये त्यांच्या आगामी ब्रह्मास्त्र सिनेमाची घोषणा झाली होती. मेगाबजेट ट्रायोलोजी सिनेमाचं दिग्दर्शन अयान मुखर्जी करत आहे. या सिनेमात रणबीर कपूर आणि आलिया भट्ट यांच्यासोबत अमिताभ बच्चन यांचीही महत्त्वपूर्ण भूमिका आहे. हा पहिला सिनेमा असेल ज्यात रणबीर आणि आलिया एकत्र दिसतील.
from Marathi Bollywood News, Marathi Cinema News https://ift.tt/3a3H9Ov
