मुंबई: नॅशनल स्टॉक एक्सचेंजच्या अधिकृत ट्विटर अकाऊंटवर अभिनेत्रीचे हॉट फोटो शेअर करण्यात आल्यानं एकच गोंधळ उडाला. बॉलिवूड अभिनेत्री हिचे फोटो एनएसईच्या ट्विटर अकाऊंटवर पाहून फालोअर्सला धक्काच बसला. मौनीचे फोटो एसएसईच्या अकाऊंटवर शेअर झाल्यानंतर काही मिनिटांतच हे ट्विट सोशल मीडियावर प्रचंड व्हायरल झालं. मीम्स व्हायरल झाले. चूक लक्षात येताच एनएसईनं हे ट्विट डीलिट केलं. परंतु नेटकऱ्यांनी मात्र एनएसईची चांगलीच खिल्ली उडवली. चूक लक्षात येताच एनएसईच्या अधिकृत ट्विटर अकाऊंटवरून माफीटं ट्विटही करण्यात आलं. ' आज दुपारी १२.२५ वाजचा एनएसईच्या अधिकृत ट्विटर अकाऊंटवरून अनावधानानं एक चूकीचं ट्विट करण्यात आलं होतं. अकाऊंट हॅंडल करणाऱ्या एजन्सीकडून ही चूक झाली होती. हॅकिंगचा कोणताही प्रकार नाहीए. आम्ही आमच्या फॉलोअरची माफी मागतो', असं ट्विटएनएसई द्वारे करण्यात आलं आहे. मौनीच्या काम संदर्भात बोलायचं झालं तर ती आता 'ब्रह्मास्त्र' चित्रपटात दिसणार आहे.एखाद्या अभिनेत्रीचं काम आवडलं की तिच्याकडं सिनेमांची रांग लागते. सध्या तसंच झालंय मौनी रॉयचं. एकामागं एक बड्या बॅनरच्या सिनेमांमध्ये ती दिसतेय. तिच्या 'ब्रह्मास्त्र'ची तर खूप चर्चा आहे. यामध्ये ती खलनायिकेच्या भूमिकेत दिसणार आहे. ही भूमिका मिळण्यामागेही एक किस्सा आहे. सिनेमाचा दिग्दर्शक अयान मुखर्जीनं 'नागिन' या मालिकेतलं मौनी खलनायिकेचं काम बघितलं होतं. ते बघूनच त्यानं 'हीच माझी खलनायिका' म्हणून तिच्या नावावर शिक्कामोर्तब केलं. छोट्या पडद्यानंतर मोठा पडदाही गाजवणारी मौनीला एकाच माध्यमात फार काळ अडकून राहायचं नाही. पण, 'सिनेमे आणि वेब सीरिज या माध्यमांवर माझं भविष्यात जास्त लक्ष असेल', असं ती म्हणते.
from Marathi Bollywood News, Marathi Cinema News https://ift.tt/39oe28a
