मुंबई : अभिनेता आणि नताशा दलालच्या ग्रॅण्ड विवाह सोहळ्याची चर्चा सध्या बी-टाऊनमध्ये चांगलीच रंगत आहे. काही दिवसांपूर्वी वरुण-नताशा विवाहबंधनात अडकले. त्यांच्या या ग्रॅण्ड विवाहसोहळ्याला बॉलिवूडमधील काही मंडळींनीही हजेरी लावली होती. आता या दोघांच्या अलिशान घराचा एक व्हिडिओ सध्या प्रचंड व्हायरल होताना दिसत आहे. लग्नानंतर वरुण-नताशा याच घरात राहणार आहे. लग्नापूर्वीच वरुणने एका मुलाखतीत सांगितले होते की, लग्नानंतर मी आणि नताशा वेगळे राहणार आहोत. २०१७मध्येच वरुणने हे अलिशान घर खरेदी केलं होतं. विशेष म्हणजे या घराचं संपूर्ण इंटेरिअर वरुणच्या आईने केलं आहे. वरुणची आवड काय हे लक्षात घेऊन तिने या घराची सजावट केली आहे. वरुणचं हे कोट्यावधी रुपयांच घर खरंच आकर्षक आणि सुंदर आहे. अभिनेते अनुपन खेर यांनी वरुणच्या घराचा व्हिडिओ त्यांच्या सोशल मीडिया अकाऊंटवरुन शेअर केला आहे. या व्हिडिओमध्ये वरुणचं संपूर्ण घर दिसत आहे. हॉल, बेडरुम, लिविंग रुम तसेच त्याच्या घरातील इतर रुमचे इंटिरिअर खरंच पाहण्यासारखं आहे. हा व्हिडिओ पाहून वरुणच्या आईने घराच्या सजावटीसाठी विशेष मेहनत घेतली असल्याचं स्पष्ट दिसून येतं. विशेष म्हणजे अनुपम यांनी वरुणच्या या घराचा व्हिडिओ शेअर करत असताना भावनिक संदेश लिहिला आहे. ‘मी वरुणचं बालपण पाहिलं आहे. त्यावेळी वरुणचे वडिल तर स्कुटर चालवायचे. मेहनतीचं फळ नेहमी मिळतंच’ असे अनुपम यांनी म्हटले आहे. वरुण-नताशाचं हे नवं घर वरुणच्या आई-वडिलांच्या घराजवळच आहे. यापूर्वी ‘नताशा आणि मला लिव्ह इन रिलेशनशिपमध्ये राहण्यास आमच्या आई-वडिलांनी परवानगी दिली होती. कारण माझ्याकडे आता माझं स्वतःच घर आहे. आम्ही दोघांनी लवकरात लवकर लग्न करावं असं आमच्या आई-वडिलांच मत होतं.’ असे वरुणने म्हटलं होतं. अखेरीस २४ जानेवारीला अलिबागमध्ये या दोघांचा विवाहसोहळा पार पडला. या दोघांच्या लग्नाचे बरेच फोटो, व्हिडिओ सोशल मीडियावर वेगाने व्हायरल झाले. आता या दोघांच्या नव्या आयुष्याला सुरुवात झाली आहे.
from Marathi Bollywood News, Marathi Cinema News https://ift.tt/2L3wqv2
