भेदाभेद विसरलोआपल्या मनात कळत-नकळत अनेक भेद असतात. आपण एखाद्यापेक्षा वरचढ असलो तर याचं समाधान असतं आणि आपण एखाद्यापेक्षा कमी असलो तर ते मनाला बोचत असतं. या बाबतीत करोनानं प्रत्येकाला एका समान पातळीवर आणून ठेवलं. सगळ्यांना एक प्रकारची असुरक्षितता भेडसावत होती. या कठीण परिस्थितीनं वेगळ्या प्रकारची समानता दाखवून दिली. ही मूल्यं शिकणं आवश्यक होतं. मूलभूत मूल्य जपण्याची संधी मिळाली. याची राष्ट्र बांधणीसाठी नक्कीच मदत होईल. - आणलं जाणिवेच्या पातळीवरआपण माणुसकी विसरत होतो. पण करोनाकाळानं जाणिवेच्या पातळीवर आणलं. अनेक गोष्टींकडे दुर्लक्ष करत होतो हे त्या परिस्थितीनं दाखवून दिलं. पायाभूत गोष्टींचा विचार करण्याची संधी लॉकडाउननं दिली. भविष्य सुंदर करण्यासाठी वर्तमानात जगायला शिकवलं. करोनामुळे अमुक वर्षं मागे गेलो असं आपण म्हणतो. पण पुढे जाण्यासाठी दोन पावलं मागे जावं लागतं. करोनामुळे उद्भवलेल्या परिस्थितीनं संवेदनशीलरित्या मागे आणलं. यामुळे सकारात्मक बदल घडत आहेत. ही बाब राष्ट्रहितासाठी चांगलीच आहे. - उपेंद्र लिमये विचारांचा पाया भक्कमलॉकडाउनने स्वावलंबी बनवलं. स्वत:सह इतरांसाठी जगायला शिकलो. व्यावसायिक कामं करता-करता घरची कामं केली. स्वत:च्या कक्षा आणखीन रुंदावल्या तर प्रगती करु शकतो हे कळलं. घरकाम करणाऱ्या मावशींपासून ते अत्यावश्यक सेवेतील कर्मचाऱ्यांपर्यंत सगळ्यांचा विचार केला. करोनामुळे ओढावलेल्या परिस्थितीत आपला माणूस म्हणून पाया भक्कम झाला. एकमेकांप्रती असलेली कृतज्ञता वाढली. विचारांच्या कक्षा रुंदावल्या. जेव्हा विचारांचा पाया भक्कम होतो तेव्हा सत्तेचा पाया भक्कम होतो. हाच धडा लॉकडाउननं दिला. - अदिती सारंगधर जुळले बंधलॉकडाउनच्या आधी प्रत्येक जण आपापल्या व्यापात व्यग्र असायचा. आपापसातील बंध जुळण्यासाठी वेळ दिला जात नव्हता. आपल्याकडे तेवढा वेळच नव्हता. आपण घड्याळ्याच्या काट्यावर पळत असतो. एक झालं की दुसरं सुरु होतं. पण करोनाकाळात माणसा-माणसांमधले बंध जुळायला वेळ देता आला. एक कुटुंब जवळ आलं की हळूहळू एक गाव जवळ येऊ लागतं. शेवटी एक राष्ट्र होतं. हेच करोनासारख्या कठीण काळानं शिकवलं. हे बंध जुळले गेले. परिणामी, देशात एकात्मता रुळू लागली. - प्रसाद ओक
from Marathi Bollywood News, Marathi Cinema News https://ift.tt/3a6mcmg
