मुंबई: बिग बॉसच्या १४ व्या सीझनच्या फिनालेला आता काहीच दिवस उरले आहे. या सीझनमध्ये अभिनेत्री एजाज खानची प्रॉक्सी म्हणून त्याच्या जागेवर खेळत आहे. पण देवोलिनाला एजाजप्रमाणे हा गेम खेळता येत नाहीये असं म्हटलं जात आहे. एजाज नेहमीच स्ट्राँग स्पर्धक म्हणून खेळताना दिसला होता. मात्र देवोलिनाला त्याच्यासारखं खेळता येत नाहीये. अलिकडच्याच एका एपिसोडमध्ये ती बिग बॉस हाऊसमध्ये तोडफोड करताना दिसली होती. तिचं हे वागणं बऱ्याच प्रेक्षकांना आवडलेलं नाही. इतकंच नाही तर स्वतः एजाज खान आणि हे देखील तिच्या या वागण्यावर नाराज आहेत. ई-टाइम्सला दिलेल्या एका मुलाखतीत पवित्रा पुनियानं सांगितलं, 'देवोलिनाला मेकर्सनी एजाजच्या जागी खेळण्यासाठी पाठवलं आहे. मी तिला मागच्या सीझनमध्ये पाहिलं होतं. त्यावेळी ती खूपच चांगलं खेळली होती. पण अचानक तिची तब्येत बिघडल्यानं तिला हा शो सोडावा लागला होता. मागच्या सीझनमध्ये ती एक स्ट्राँग स्पर्धक म्हणून दिसत होती. मात्र या सीझनमध्ये ती तशी दिसत नाही. ती ज्याप्रकारे खेळत आहे ते सर्व एजाजच्या बरोबर विरूद्ध आहे. असं वागून देवोलिना एजाजची प्रतिमा खराब करत आहे. एजाज बिग बॉस हाऊसमध्ये कधीच अग्रेसिव्ह दिसला नाही. तो नेहमीच शांतपणे खेळताना दिसला. तसेच त्याने घरातल्या कोणत्याही सामानाची तोडफोड केलेली नाही.' पवित्रा पुढे म्हणाली, 'देवोलिना आता ज्या प्रकारे खेळत आहे त्यातून ती खूप चांगला कंटेन्ट देत आहे. त्यामुळेच ती शोमध्ये आहे. म्हणजेच एजाज सुद्धा शोमध्ये आहे. देवोलिनानं मागच्या आठवड्यात जे काही केलं ते पाहिल्यावर असं वाटतं की, तिच्या चाहत्यांना ती पुढे काय करणार आहे हे स्वतःच आधीच सांगून टाकते. एजाज अद्याप या शोमध्ये आहे आणि हेच माझ्यासाठी महत्त्वाचं आहे.' पवित्रा पुनिया आणि एजाज खान हे दोघंही एकमेकांचे चांगले मित्र आहेत. शोच्या सुरुवातीच्या काळात या दोघांच्या नात्याची खूप चर्चा झाली होती. शोमध्ये दोघंही एकमेकांना नेहमीच सपोर्ट करताना दिसले होते. देवोलिनाच्या बिग बॉस हाऊसमधल्या खेळाबाबत एजाजला प्रश्न केला असता तो म्हणाला, 'मी बिग बॉस हाऊसमधून बाहेर पडल्यापासून शूटिंगमध्ये बिझी आहे. त्यामुळे देवोलिना कशी खेळत आहे किंवा बिग बॉस हाऊसमध्ये काय चाललं आहे याबद्दल मला काहीच माहित नाही. मी माझ्या कामाच्या कमिटमेंटमुळे बिग बॉसच्या घरातून बाहेर पडलो होतो. आता माझं काम जवळपास पूर्णच झालं आहे आणि मी शोच्या मेकर्ससोबत बिग बॉस हाऊसमध्ये परत येण्याबाबत बोलणार आहे.'
from Marathi Bollywood News, Marathi Cinema News https://ift.tt/3oYDjM7
