मुंबई : रुपेरी पडद्यावर हटके भूमिका साकारत अभिनेता आयुष्मान खुराणाने साऱ्यांच लक्ष वेधून घेतलं. आयुष्मानच्या ‘शुभ मंगल सावधान’, ‘बधाई हो’, ‘ड्रीम गर्ल’ सारख्या चित्रपटांनी तर बॉक्सऑफिसवर धुमाकूळ घातला. आतही त्याच्या हाती बरेच हिंदी चित्रपट आहेत. त्यातीलच एक चित्रपट म्हणजे ‘डॉक्टर जी’. जंगली पिक्चर्सच्या या चित्रपटात आयुष्मान मुख्य भूमिकेत झळकणार आहे. गेल्या बऱ्याच दिवसांपासून या चित्रपटामध्ये आयुष्मानबरोबर कोणती अभिनेत्री दिसणार याबाबत चर्चा सुरु होती. अखेरीस अभिनेत्री रकुल प्रीत सिंगचं नाव या चित्रपटाशी जोडलं गेलं आहे. पहिल्यांदाच आयुष्मान आणि रकुल ऑनस्क्रीन एकत्र काम करताना दिसणार आहेत. ‘डॉक्टर जी’मध्ये आयुष्मान डॉ. उदय गुप्ता हे पात्र साकारणार आहे तर रकुल वैद्यकीय विद्यार्थी फातिमा ही भूमिका साकारणार आहे. रकुल या चित्रपटासाठी फारच उत्सुक आहे. रकुल म्हणते, ‘डॉक्टर जी’ चित्रपटाच्यानिमित्ताने मी पहिल्यांदाच आयुष्मानबरोबर काम करणार आहे. या चित्रपटाच्या कथेच्या तर मी प्रेमातच आहे. दिग्दर्शक अनुभूती कश्यप यांनी आयुष्मानबरोबर काम करण्याची मला संधी दिली त्याबद्दल मी त्यांचे आभार मानते.’ या चित्रपटाची कथा वैद्यकीय क्षेत्र आणि या क्षेत्रामधील विद्यार्थी, कॅम्पस यावर आधारित आहे. आयुष्मान-रकुलचा ऑनस्क्रीन रोमान्स यामध्ये प्रेक्षकांना पाहायला मिळणार आहे. या चित्रपटाचे दिग्दर्शक अनुभूति कश्यप यांना आयुष्मान-रकुलकडून खूप अपेक्षा आहे. ‘या चित्रपटाच्या कथेला साजेशी अशी स्टारकास्ट आम्हाला मिळाली. ही एक फ्रेश जोडी आहे. लवकरच चित्रपटाच्या चित्रीकरणालाही आम्ही सुरुवात करु’. असे अनुभूति यांनी म्हटले आहे. गेल्या वर्षी डिसेंबरमध्ये जंगली पिक्चर्सने या चित्रपटाची घोषणा केली. चित्रपटाचे लेखन अनुभूति तसेच सुमित सक्सेना, विशाल वाघ आणि सौरभ भारत यांनी मिळून केले आहे. आता आयुष्मान आणि रकुल ही नवी जोडी प्रेक्षकांना पसंतीस पडणार का हे पाहावं लागेल.
from Marathi Bollywood News, Marathi Cinema News https://ift.tt/3pCvqgl
