मुंबई: प्रियांका चोप्राचं पुस्तक अनफिनिश्डचं प्रकाशन काही दिवसांपूर्वीच पार पडली. पण यानंतर तिच्या आयुष्यातील अनेक घटनांचे खुलासे झाले. प्रियांकानं तिच्या या पुस्तकात तिच्या आतापर्यंतच्या आयुष्यावर विस्तारानं चर्चा केली आहे. ज्यात काही चांगले तर काही वाईट अनुभव तिनं मांडले आहेत. यात पुस्तकात प्रियांका आणि निकच्या लॉस एंजेलिसच्या घरातील गृहप्रवेशाचाही उल्लेख करण्यात आला आहे. नुकतंच प्रकाशित झालेलं प्रियांका चोप्राचं पुस्तक सध्या वेगवेगळ्या कारणांनी चर्चेत आहे. या पुस्तकात प्रियांकानं काही अशा गोष्टींचा उल्लेख केला आहे ज्या याआधी कोणालाही माहित नाही. याशिवाय प्रियांकानं या पुस्तकातून अनेक फोटो शेअर केले आहेत. जे याआधी कोणी पाहिलेले नाहीत. ज्यात त्यांच्या लॉस एंजेलिसच्या घराच्या गृहप्रवेशाचे सुद्धा काही फोटो आहेत ज्यात निक आणि प्रियांक भारतीय पारंपरिक पद्धतीनं गृहप्रवेश करताना दिसत आहेत. प्रियांका चोप्रानं हे फोटो शेअर करताना या पुस्तकात लिहिलं, क्वारंटाइनच्या काळात नव्या घरात राहायला जाणं खरं तर थोडं वेगळं वाटत होतं. पण आम्ही हे चांगल्या पद्धतीनं केलं आणि तेही गृहप्रवेश सेरेमनीसोबत. गृहप्रवेशाच्या या फोटोंमध्ये प्रियांका सिंगल स्लीव्ह कुर्ता, डोक्यावर ओढणी, कपाळाला टेकवलेला कलश अशी दिसत आहे. तर तिच्या मागे निक सुद्धा आहे. त्यानं हाता पूजेचं ताट पकडलं आहे. प्रियांका आणि निकचे हे फोटो निकच्या एका फॅनपेजवरून शेअर करण्यात आले आहेत. या पुस्तकात प्रियांकानं तिच्या नाकाच्या सर्जरीपासून ते बॉलिवूडमध्ये सुरुवातीच्या काळात आलेले वाईट अनुभव या पर्यंत सर्व गोष्टींचा उल्लेख केला आहे. सध्या प्रियांका या पुस्तकामुळेच सोशल मीडियावर खूप चर्चेत आहे.
from Marathi Bollywood News, Marathi Cinema News https://ift.tt/3d0thro
